ඉන්දියාවේදී අත්අඩංගුවට ගෙන මෙරටට පිටුවහල් කරන ලද ‘කෙසෙල්වත්තේ දනූෂ’ නමැති ප්රබල පාතාල අපරාධකරුගෙන් සිදුකරන ප්රශ්න කිරීම්වලදී අපරාධ රැසක තොරතුරු අනාවරණය වෙමින් පවතින බව පොලිසිය පවසයි.
ශල්යකර්මයක් සඳහා ව්යාජ ගමන් බලපත්රයකින් ඩුබායි සිට ඉන්දියාවට පැමිණ සිටි මොහු, පොලිස්පති ප්රියන්ත වීරසූරිය මහතා ඉන්දීය ආරක්ෂක අංශ සමඟ සිදු කළ ඍජු සාකච්ඡාවල ප්රතිඵලයක් ලෙස මෙලෙස අත්අඩංගුවට ගැනීමට හැකි වී තිබේ.
2021 වසරේ ඩුබායිහිදී මියගිය ‘කෙසෙල්වත්තේ දිනුකගේ’ කල්ලියේ වත්මන් නායකයා ලෙස සැලකෙන්නේ 34 හැවිරිදි මොහුය.
සැකකාර දනූෂට එරෙහිව 2015 කෙසෙල්වත්ත ඝාතනය, 2018 කොටහේන වෙඩි තැබීම සහ 2021 මට්ටක්කුලිය තියුණු ආයුධ ඝාතනය ඇතුළු මිනීමැරුම් චෝදනා රැසක් පවතී.
මීට අමතරව වේල්ල වීදිය සහ බ්ලූමැන්ඩල් ප්රදේශවල සිදුවූ මංකොල්ලකෑම් මෙන්ම මත්කුඩු ජාවාරම් සම්බන්ධයෙන් ද ඔහුට එරෙහිව රතු නිවේදන (Red Notice) නිකුත් කර තිබුණි.
පසුගිය 24 වැනිදා කටුනායක ගුවන්තොටුපොළේදී අපරාධ පරීක්ෂණ දෙපාර්තමේන්තුව (CID) භාරයට ගත් මොහු, දැනට කෙසෙල්වත්ත පොලිසිය මගින් රඳවා තබාගෙන ප්රශ්න කරනු ලබයි.
