දියවන්නාව ආසන්නයේ පිහිටි ප්රධාන රාජ්ය ආයතනයක රාජකාරි කරන ඉහළ නිලධාරියෙකු, සිය සේවා කාලය තුළ වැඩි වේලාවක් නිදාගනිමින් කාලය ගත කරන බවට තොරතුරු වාර්තා වේ. මෙම නිලධාරියාගේ ක්රියාකලාපය හේතුවෙන් ආයතනයේ සෙසු සේවකයන් දැඩි අපහසුතාවයට පත්ව සිටින බව අසේල පෙරේරා මහතා වාර්තා කර ඇත.
මෙම නිලධාරියා උදෑසන සේවයට වාර්තා කළ මොහොතේ සිට වරින් වර නිදාගන්නා අතර, විශේෂයෙන්ම දිවා ආහාරයෙන් පසුව වැඩි වේලාවක් නිද්රෝපගතව සිටින බව සේවකයෝ පවසති. ඔහු නිදාගෙන සිටින ආකාරය දැක්වෙන ඡායාරූප පවා සේවකයන් විසින් ආයතන ප්රධානීන් වෙත ඉදිරිපත් කර ඇති නමුත්, මෙතෙක් ඔහුට එරෙහිව නිසි විනයානුකූල පියවරක් ගෙන නොමැත.
මීට පෙර පැවැති විමර්ශනයකදී මෙම තොරතුරු අනාවරණය වීමෙන් පසු ඔහු වෙනත් අංශයකට මාරු කර යවා තිබුණද, ඉහළ නිලධාරීන්ගේ මැදිහත්වීම මත නැවතත් සිය පැරණි අංශයටම පැමිණීමට ඔහු සමත්ව ඇත. මෙවැනි නිලධාරීන්ගේ හැසිරීම් හේතුවෙන් සමස්ත ආයතනයේම ඵලදායීතාවය බිංදුවටම ඇද වැටෙන බව සෙසු සේවකයෝ පෙන්වා දෙති.
රාජ්ය ආයතන ප්රතිසංස්කරණය සහ ඵලදායීතාවය ඉහළ නැංවීමට රජය උත්සාහ කරන මෙවන් වකවානුවක, මෙවැනි “නිදිකුම්බර” නිලධාරීන් පිළිබඳ වාර්තා වීම කාගේත් අවධානයට ලක්විය යුතු කරුණකි.
