මැලේසියානු නිෂ්පාදකයන්ගේ ෆෙඩරේෂනය (FMM) විසින් “ශ්රී ලංකාව නැවත ගොඩනැගීමේ අරමුදල” (Rebuild Sri Lanka Fund) සඳහා මැලේසියානු රින්ගිට් 50,000ක (ආසන්න වශයෙන් රුපියල් මිලියන 3.5ක්) මුදලක් පරිත්යාග කර තිබේ. මැලේසියාවේ ක්වාලාලම්පූර්හි පිහිටි ශ්රී ලංකා මහ කොමසාරිස් කාර්යාලයේදී අද (23) පැවති සාකච්ඡාවකදී එම ෆෙඩරේෂනයේ සභාපති ජේකොබ් ලී චෝර් කොක් මහතා විසින් වැඩබලන මහ කොමසාරිස් මොහොමඩ් රිස්වි මහතා වෙත මෙම පරිත්යාගය නිල වශයෙන් භාර දෙන ලදී.
2025 වසරේ අගභාගයේදී මෙරටට බලපෑ ‘දිට්වා’ (Ditwa) සුළි කුණාටුවෙන් සිදු වූ හානි ප්රතිසංස්කරණය කිරීම සඳහා රජය විසින් මෙම අරමුදල පිහිටුවා ඇත. පරිත්යාගය ලබාදීමට අමතරව, මැලේසියානු කර්මාන්තශාලා තුළ ශ්රී ලාංකිකයන් සඳහා රැකියා අවස්ථා ඉහළ නැංවීම සහ ලබන ජුනි මස පැවැත්වෙන ‘එක්ස්පෝ ශ්රී ලංකා 2026′ වෙළඳ ප්රදර්ශනය සඳහා මැලේසියානු ව්යාපාරික නියෝජිත කණ්ඩායම් සහභාගී කරවීම පිළිබඳව ද මෙහිදී විශේෂ අවධානය යොමු විය.
