ඇවන්ගාඩ් (Avant-Garde) සමාගම විසින් පවත්වාගෙන ගිය අවි ගබඩා තුනක් ඉවත් කරගන්නා ලෙස ආරක්ෂක අමාත්යාංශයේ ලේකම්වරයා නිකුත් කළ නියෝගය බලරහිත කරන ලෙස ඉල්ලා ගොනුකර තිබූ රිට් පෙත්සම් දෙකක් විභාගයට නොගෙනම නිෂ්ප්රභ කිරීමට අභියාචනාධිකරණය අද (25) තීන්දු කළේය.
මෙම පෙත්සම් ඇවන්ගාඩ් සමාගම සහ එහි සේවකයින් විසින් ඉදිරිපත් කර තිබූ අතර, ඒවා මූලික වශයෙන් සලකා බැලීමෙන් අනතුරුව අධිකරණය මෙම නියෝගය නිකුත් කර තිබේ. ආරක්ෂක අමාත්යාංශයේ නියෝගයට එරෙහිව සහන පතා ඉදිරිපත් වූ මෙම පෙත්සම් මගින් අදාළ නියෝගය අභියෝගයට ලක් කර තිබුණද, ඒවා ඉදිරියට පවත්වාගෙන යාමට ප්රමාණවත් නීතිමය පදනමක් නොමැති බව සලකා අධිකරණය මෙම පියවර ගෙන ඇත.
