ජාතික සංවර්ධන බැංකුව (NDB) 2025 දෙසැම්බර් 31 දිනෙන් අවසන් වූ මූල්ය වර්ෂය සඳහා සිය වාර්තාගත මූල්ය ප්රතිඵල ප්රකාශයට පත් කර තිබේ. ඒ අනුව බැංකුවේ බදු පසු ලාභය රුපියල් බිලියන 11.0 ක් දක්වා ඉහළ ගොස් ඇති අතර, මෙය බැංකු ඉතිහාසයේ වාර්තා වූ ඉහළම ලාභයයි. 2024 වසරේදී ජාත්යන්තර ස්වෛරී බැඳුම්කර (ISB) ප්රතිව්යුහගත කිරීමේ බලපෑම ඉවත් කළහොත්, සාමාන්ය පදනමක් මත බැංකුවේ ලාභය දෙගුණයක වර්ධනයක් පෙන්නුම් කරන බව බැංකුව පවසයි.
බැංකුවේ මූලික බැංකු කටයුතු (Core Banking) මෙම වර්ධනයට ප්රධාන වශයෙන් දායක වී ඇති අතර, ශුද්ධ බැංකු ආදායම 45.2% කින් ඉහළ ගොස් ඇත. විශේෂයෙන්ම කුඩා හා මධ්ය පරිමාණ ව්යවසාය (SME) අංශය වෙත ලබාදුන් ණය ප්රමාණය 25% කට වඩා වැඩි අගයකින් වර්ධනය වීම කැපී පෙනෙන අතර, එය රටේ ආර්ථික පුනර්ජීවනය සඳහා බැංකුව දක්වන දායකත්වය මනාව පිළිබිඹු කරන්නකි. 2025 වසර අවසානය වන විට බැංකුවේ මුළු තැන්පතු රුපියල් බිලියන 707.2 ක් දක්වා 11.9% කින් ද, ශුද්ධ ණය ප්රමාණය රුපියල් බිලියන 593.6 ක් දක්වා 28.8% කින් ද ඉහළ ගොස් තිබේ.
බැංකුවේ මෙහෙයුම් කාර්යක්ෂමතාව සහ ණය කළමනාකරණය ද ඉහළ මට්ටමක පවතින බව මූල්ය වාර්තා පෙන්වා දෙයි. අකර්මන්ය ණය (Stage 3 loans) අනුපාතය 2024 වසරේ පැවති 14.0% සිට 10.8% දක්වා පහත වැටී ඇති අතර, කොටසක ලාභය (EPS) රුපියල් 25.90 ක් ලෙස වාර්තා වේ. බැංකුවේ අධ්යක්ෂ/ප්රධාන විධායක නිලධාරී කැලුම් එදිරිසිංහ මහතා සඳහන් කළේ, මෙම විශිෂ්ට ජයග්රහණය ස්ථාවර තැන්පතු පදනම, විනයගරුක ණය වර්ධනය සහ විචක්ෂණශීලී අවදානම් කළමනාකරණය නිසා අත්පත් කරගත් එකක් බවයි.
