ජින්තුපිටිය ප්රදේශයේ පසුගියදා සිදුවූ වෙඩි තැබීමේ සිද්ධියට සෘජුවම සම්බන්ධ බවට සැක කෙරෙන පුද්ගලයින් දෙදෙනෙකු අද (28) විශේෂ පොලිස් කණ්ඩායමක් විසින් අත්අඩංගුවට ගනු ලැබීය. සැකකරුවන් අත්අඩංගුවට ගන්නා අවස්ථාවේදී ඔවුන් සන්තකයේ තිබී ‘අයිස්’ (Ice) මත්ද්රව්ය තොගයක් ද සොයාගැනීම විශේෂත්වයකි.
පොලිස් විමර්ශනවලදී අනාවරණය වී ඇත්තේ මෙම වෙඩි තැබීම සහ මත්ද්රව්ය ජාවාරම අතර සමීප සබඳතාවක් පවතින බවයි. අත්අඩංගුවට ගත් සැකකරුවන් දෙදෙනා ප්රදේශයේ ප්රබල මත්ද්රව්ය ජාලයක සාමාජිකයන් බවට හඳුනාගෙන ඇති අතර, වෙඩි තැබීමට යොදාගත් ගිනිඅවි සහ ඒ පිටුපස සිටින ප්රධාන මෙහෙයුම්කරුවන් සොයා පොලිසිය වැඩිදුර ප්රශ්න කිරීම් සිදුකරයි.
මෙම අත්අඩංගුවට ගැනීමත් සමඟ ජින්තුපිටිය වෙඩි තැබීමේ සිද්ධියේ සුලමුල අනාවරණය කර ගැනීමට හැකිවනු ඇතැයි ආරක්ෂක අංශ විශ්වාසය පළ කරයි.
