කාසියේ වාසිය දිනාගත් ශ්රී ලංකා නායකයාගේ ආරාධනයෙන් ප්රථමයෙන් පන්දුවට පහරදුන් පාකිස්ථාන කණ්ඩායම සියලු දෙනා දැවී හෝ නියමිත පන්දුවාර සංඛ්යාව අවසානයේ ලකුණු 212ක් රැස් කිරීමට සමත් විය. ඒ අනුව ශ්රී ලංකාවට ජයග්රහණය සඳහා ලකුණු 213ක ඉලක්කයක් හිමිව ඇත.
පාකිස්ථාන ඉනිම ශක්තිමත් කළ සහිබ්සාඩා ෆර්හාන් සහ ෆකාර් සමාන් අර්ධ ශතක රැස් කරමින් ප්රබල අභියෝගයක් එල්ල කළද, මැද පෙළ සහ පසුපෙළ පිතිකරුවන් දවා ගනිමින් තරගය පාලනය කිරීමට ශ්රී ලංකා පන්දු යවන්නන් සමත් විය. විශේෂයෙන්ම ඉනිමේ අවසන් භාගයේදී ශ්රී ලංකා පන්දු යවන්නන් දැක්වූ දක්ෂතාවය හේතුවෙන් පාකිස්ථානයට බලාපොරොත්තු වූවාට වඩා අඩු ලකුණු සංඛ්යාවකට සීමා වීමට සිදු විය.
දැන් ලකුණු 213ක ජයග්රාහී ඉලක්කයක් හඹා යාම සඳහා ශ්රී ලංකා ආරම්භක පිතිකරුවන් පිටියට පිවිසීමට සූදානමින් සිටින අතර, පවතින තත්ත්වය අනුව මෙය දෙපිලටම විවෘත ඉතා උද්යෝගිමත් තරගයක් වනු ඇතැයි ක්රිකට් විචාරකයෝ පවසති.
