අමෙරිකාව සහ ඊශ්රායලය විසින් ඉරාන භූමියට එල්ල කළ දැවැන්ත ප්රහාර මාලාවෙන් අනතුරුව එරට අන්තර්ජාල පහසුකම් දැඩි ලෙස සීමා වී ඇති බව වාර්තා වේ. ගෝලීය අන්තර්ජාල ක්රියාකාරීත්වය නිරීක්ෂණය කරන Kentik ආයතනයේ දත්තවලට අනුව, සෙනසුරාදා එල්ල වූ ප්රහාරවලින් පසු ඉරානයේ අන්තර්ජාල සබඳතාවල සීඝ්ර පහත වැටීමක් දක්නට ලැබෙන අතර මේ වන විට එරට සමස්ත ගෝලීය අන්තර්ජාල ප්රවේශයෙන් 99%ක්ම පමණ විසන්ධි වී තිබේ.
මේ හේතුවෙන් සමාජ මාධ්ය ජාලයන්හි සක්රීයව පවතින්නේ ඉරාන රජයේ නිලධාරීන්ට හෝ රජයේ විශ්වාසය දිනූ සීමිත පිරිසකට අයත් ගිණුම් කිහිපයක් පමණි. ජාත්යන්තර අන්තර්ජාල සබඳතා මෙසේ අත්හිටුවා තිබුණද, ඉරානය තුළ පමණක් ක්රියාත්මක වන දේශීය වෙබ් අඩවි සහ පණිවුඩ හුවමාරු පද්ධති තවදුරටත් ක්රියාත්මක වන බව සඳහන් වේ. මීට පෙර 2026 ජනවාරි මාසයේ පැවති නොසන්සුන්කාරී වාතාවරණයකදී ද ඉරානය මෙලෙස රට පුරා අන්තර්ජාලය විසන්ධි කිරීමට පියවර ගෙන තිබූ අතර, වත්මන් යුදමය වාතාවරණය හමුවේ තොරතුරු ගලායාම පාලනය කිරීම සඳහා මෙම පියවර ගෙන ඇති බව පෙනී යයි.
