වසර 50ක ශීත ඍතු පැරාලිම්පික් ඉතිහාසය සමරමින් ඉතාලියේ වෙරෝනා ඇරීනා (Verona Arena) හි පැවැත්වෙන 2026 සමාරම්භක උළෙලේදී මහා බ්රිතාන්යය නියෝජනය කිරීමට ස්කී (Ski) ක්රීඩා ක්ෂේත්රයේ ප්රවීණයන් දෙපළක් වන මෙනා ෆිට්ස්පැට්රික් සහ ස්කොට් මීනාග් තේරී පත්ව සිටිති. පදක්කම් හයක් දිනාගනිමින් බ්රිතාන්යයේ වඩාත්ම සාර්ථක ශීත ඍතු පැරාලිම්පික් ක්රීඩිකාව ලෙස කිරුළු දරා සිටින 27 හැවිරිදි මෙනා, මීට මාස තුනකට පෙර සිදු වූ බරපතළ දණහිස් ආබාධයක් පරාජය කරමින් මෙලෙස සිය තෙවන පැරාලිම්පික් නියෝජනය සඳහා එක්වීම කාගේත් පැසසුමට ලක්ව තිබේ.
ඇය සමඟ ධජය රැගෙන යන 36 හැවිරිදි ස්කොට් මීනාග් ද සිය තෙවන පැරාලිම්පික් උළෙලට සහභාගී වන අතර, ඔහු 2023 ලෝක පැරාලිම්පික් නෝර්ඩික් ස්කී ශූරතාවලියේදී පදක්කමක් දිනූ ප්රථම බ්රිතාන්ය ජාතිකයා ලෙස ඉතිහාසගත වී සිටින්නෙකි. තරගාවලියට සහභාගී වන සෙසු ක්රීඩකයින්ගේ මනාපයෙන් තේරී පත් වූ මෙම ක්රීඩක යුගලය, සමාරම්භක උළෙලේ වීඩියෝ දර්ශන මාලාවක් හරහා සිය කණ්ඩායම පෙරමුණට මෙහෙයවීමට නියමිතය. මාර්තු 15 වැනිදා දක්වා පැවැත්වෙන මෙවර ක්රීඩා උළෙල සඳහා බ්රිතාන්යයෙන් ක්රීඩක ක්රීඩිකාවන් 25 දෙනෙකුගෙන් යුත් ප්රබල සංචිතයක් ඉදිරිපත් කර තිබේ.
