ඉරාන ඩ්රෝන ප්රහාර හමුවේ සයිප්රසයේ පිහිටි බ්රිතාන්ය රාජකීය ගුවන් හමුදා කඳවුරක් වන RAF Akrotiri හි ආරක්ෂාව තහවුරු කිරීමට ප්රංශය සිය යුද නැව් සහ ගුවන් ආරක්ෂණ පද්ධති යොමු කර තිබේ. පසුගිය ඉරිදා රාත්රියේ බ්රිතාන්ය ගුවන් ආරක්ෂණ පද්ධති විනිවිද යමින් ඉරාන ඩ්රෝන යානයක් මෙම කඳවුරට පහර දීමත් සමඟ බ්රිතාන්යයේ ආරක්ෂක ශක්තිය පිළිබඳ බරපතල ප්රශ්න මතුව ඇති අතර, සයිප්රස් ජනාධිපති නිකොස් ක්රිස්ටෝඩුලයිඩ්ස් විසින් සහාය පතා කළ ඉල්ලීමකට අනුව ප්රංශ ජනාධිපති එමානුවෙල් මැක්රොන් සහ ජර්මන් චාන්සලර් ෆ්රෙඩ්රිච් මර්ස් සිය නාවික බලඇණි කලාපයට එවීමට පියවර ගෙන ඇත.
මෙම තත්ත්වය හමුවේ බ්රිතාන්ය අගමැති ශ්රී කීර් ස්ටාර්මර් දැඩි විවේචනයට ලක්ව ඇත්තේ සිය මිත්ර රටවල් ඉදිරියට එද්දී බ්රිතාන්යය තවමත් ‘HMS Duncan’ නමැති විනාශකාරී නෞකාව යෙදවීම පිළිබඳව සලකා බලමින් සිටින බැවිනි. බ්රිතාන්ය සතු නවීනතම ‘Type 45’ විනාශකාරී නෞකා හයෙන් තුනක්ම දැනට අක්රිය මට්ටමේ පවතින අතර, ග්රීසිය පවා බ්රිතාන්යයට වඩා වැඩි නාවික බලයක් සයිප්රසය රැකීමට යොදවා තිබේ. ඇමරිකානු ජනාධිපති ඩොනල්ඩ් ට්රම්ප් ද අගමැති ස්ටාර්මර්ගේ මෙම මන්දගාමී පිළිවෙත විවේචනය කරමින් ප්රංශය බ්රිතාන්යයට වඩා බෙහෙවින් සහයෝගය දක්වන බව පවසා ඇති අතර, බ්රිතාන්යය සහ ඇමරිකාව අතර සබඳතාව පෙර පැවති තත්ත්වයේ නොමැති බවට ද අනතුරු අඟවා ඇත.
