ඇමෙරිකාව සහ ඉරානය අතර පවතින දරුණු යුදමය වාතාවරණය මධ්යයේ ඇමෙරිකානු යුද නැව් සඳහා ඉන්ධන ලබා ගැනීමට ඉන්දීය වරායන් විවෘත කර ඇති බවට පැතිර යන වාර්තා පදනම් විරහිත අසත්ය ප්රකාශ බව ඉන්දීය විදේශ අමාත්යාංශය නිල වශයෙන් නිවේදනය කර තිබේ. ඇමෙරිකානු හමුදාවේ හිටපු කර්නල්වරයෙකු වන ඩග්ලස් මැක්ග්රෙගර් විසින් ‘වන් ඇමෙරිකා නිව්ස් නෙට්වර්ක්’ (OAN) නාලිකාව හරහා සිදුකළ ප්රකාශයක් පාදක කරගනිමින් මෙම පුවත ප්රචාරය වී තිබුණි. ඇමෙරිකානු වරාය පද්ධති විනාශ වී ඇති බැවින් ඔවුන්ට ඉන්දීය වරායන් මත යැපීමට සිදුව ඇති බවට ඔහු කළ ප්රකාශය ගෙතූවක් බවත්, මෙවැනි අසත්ය තොරතුරු පිළිබඳව අවධානයෙන් පසුවන ලෙසත් ඉන්දීය රජය මහජනතාවට දන්වා සිටියි.
මෙම මතභේදාත්මක තත්ත්වය උද්ගත වූයේ ශ්රී ලංකා වෙරළට ඔබ්බෙන් වූ ඉන්දීය සාගරයේදී ඇමෙරිකානු සබ්මැරීනයක් විසින් ඉරාන යුද නෞකාවක් වන ‘IRIS Dena’ ගිල්වා දැමීමෙන් අනතුරුවය. එම ප්රහාරයෙන් ඉරාන නාවිකයන් 87 දෙනෙකු ජීවිතක්ෂයට පත්ව ඇති අතර, විශේෂත්වය වන්නේ මෙම නෞකාව ප්රහාරයට ලක්වීමට පෙර ඉන්දියාවේ විශාඛාපට්නම්හි පැවති ‘මිලාන්-2026’ (Milan-2026) නාවික අභ්යාසයට සහභාගී වී ආපසු යමින් තිබූ එකක් වීමයි. ඉන්දියාව සහ ඇමෙරිකාව අතර 2016 වසරේදී අත්සන් කරන ලද LEMOA ගිවිසුම මගින් අන්යෝන්ය ලොජිස්ටික් සහය ලබා ගැනීමට අවස්ථාව තිබුණද, පවතින යුදමය වාතාවරණය හමුවේ ඉන්දියාව සෘජු පාර්ශවකරුවෙකු වීම කලාපීය ආරක්ෂාවට තර්ජනයක් විය හැකි බව භූ දේශපාලන විශේෂඥයෝ පෙන්වා දෙති.
