මැදපෙරදිග කලාපයේ උද්ගත වූ යුදමය වාතාවරණය සහ ගුවන් සීමා අවහිරතා හේතුවෙන් අඩාල වූ සිය මෙහෙයුම් ක්රමයෙන් යථා තත්ත්වයට පත් කරමින්, ගමනාන්ත 70ක් සඳහා විශේෂ ගුවන් ගමන් මාලාවක් ආරම්භ කළ බව එතිහාඩ් (Etihad) ගුවන් සේවය අද (06) නිවේදනය කළේය. මෙම විශේෂ කාලසටහන මාර්තු 6 සිට මාර්තු 19 දක්වා ක්රියාත්මක වන අතර ඒ යටතේ අබුඩාබි නුවර සිට යුරෝපය, ආසියාව, උතුරු ඇමෙරිකාව සහ අප්රිකාව යන කලාපවල ප්රධාන නගර වෙත ගුවන් ගමන් සිදු කෙරේ.
එතිහාඩ් ගුවන් සේවය විසින් ප්රකාශයට පත් කළ නවතම ගමනාන්ත ලැයිස්තුවට කොළඹ, ලන්ඩන්, නිව්යෝර්ක්, පැරිස්, සිඩ්නි, සිංගප්පූරුව සහ ටෝකියෝ වැනි ප්රධාන නගර රැසක් ඇතුළත් වේ. කෙසේ වෙතත්, කලාපීය ආරක්ෂක තත්ත්වය සහ මෙහෙයුම් අනුමැතීන් මත මෙම ගුවන් ගමන් කාලසටහන් ඕනෑම මොහොතක වෙනස් විය හැකි බව ගුවන් සමාගම අවධාරණය කරයි. එම නිසා ගුවන් තොටුපළ වෙත පැමිණීමට පෙර සිය ප්රවේශ පත්ර තහවුරු කරගෙන ඇති බවට සහතික කර ගන්නා ලෙසත්, වෙබ් අඩවිය හරහා නවතම තොරතුරු පරීක්ෂා කරන ලෙසත් මගීන්ට උපදෙස් දෙනු ලැබේ.
එතිහාඩ් සමාගමට අමතරව එමිරේට්ස් (Emirates), ෆ්ලයි ඩුබායි (flydubai) සහ එයාර් අරාබියා (Air Arabia) යන ගුවන් සමාගම් ද සිය සීමිත ගුවන් ගමන් මෙහෙයුම් මේ වන විට ආරම්භ කර ඇත.
