කොළඹ අධි ආරක්ෂිත කලාපයේ පිහිටි ශ්රී ලංකා මහ බැංකුවේ මහල් 16කින් යුත් පැරණි ගොඩනැගිල්ලේ සවිකර තිබූ අකුණු සන්නායක පද්ධතියේ තඹ කම්බි සොරාගත් කොන්ත්රාත් සමාගමක සේවකයන් හය දෙනෙකු කොටුව පොලිසිය මගින් අත්අඩංගුවට ගෙන තිබේ. මෙම සොරකම හේතුවෙන් රුපියල් ලක්ෂ 42ක පමණ අලාභයක් සිදුව ඇති බව වාර්තා වේ.
මහ බැංකුවේ කළමනාකරණ දෙපාර්තමේන්තුවේ අධ්යක්ෂවරයෙකු විසින් පසුගිය පෙබරවාරි 27 වැනිදා කරන ලද පැමිණිල්ලකට අනුව සිදුකළ විමර්ශනවලදී මෙම සැකකරුවන් හඳුනා ගැනීමට හැකි වී ඇත. සොරාගත් මුළු කම්බි ප්රමාණය මීටර් 288ක් වන අතර, ඉන් කිලෝ 30කට ආසන්න ප්රමාණයක් සොයා ගැනීමට පොලිසිය සමත් වී තිබේ. අධි ආරක්ෂිත කලාපයක මෙවැනි සොරකමක් සිදුවීම පිළිබඳව ආරක්ෂක අංශවල දැඩි අවධානය යොමුව ඇත.
