ඉරාකයේ උපායමාර්ගික වශයෙන් වැදගත් වන අල්-ෆවු (al-Faw) වරාය ආසන්නයේ ඉරාක මුහුදු සීමාව තුළදී විදේශීය තෙල් නැව් දෙකක් ගිනිබත් වී ඇති බව විදෙස් මාධ්ය වාර්තා කරයි. මෙම දරුණු ගින්න හේතුවෙන් අදාළ නෞකාවල සේවය කළ එක් සේවකයෙකු මියගොස් ඇති අතර, අනෙක් සේවකයින් 25 දෙනෙකු නිරුපද්රිතව බේරා ගැනීමට බලධාරීන් සමත් වී තිබේ. දැඩි පරිශ්රමයක් දරමින් ගිනි නිවන කණ්ඩායම් තවදුරටත් ගින්න මැඩපැවැත්වීමේ කටයුතුවල නිරතව සිටින බව වාර්තා වේ.
සිද්ධිය සම්බන්ධයෙන් සිදුකරන ලද මූලික පරීක්ෂණවලින් අනාවරණය වී ඇත්තේ මෙම විනාශය අහම්බයක් නොව ඉලක්කගත ප්රහාරයක් බවයි. ඒ සඳහා ඉරානයට සම්බන්ධ පුපුරණ ද්රව්ය රැගත් කුඩා බෝට්ටු (Suicide boats) යොදාගෙන ඇති බවට සාක්ෂි හමුවී තිබේ. මැදපෙරදිග කලාපයේ පවතින උග්ර යුදමය තත්ත්වය සහ ජාත්යන්තර මුහුදු මාර්ගවල ආරක්ෂාව පිළිබඳ ගැටලු පවතින පසුබිමක සිදුවූ මෙම ප්රහාරය හේතුවෙන් ගෝලීය බලශක්ති සැපයුමට සහ කලාපීය සාමයට තවදුරටත් දැඩි තර්ජන එල්ල වී ඇත.
