ඇමෙරිකාවේ මිචිගන් ප්රාන්තයේ Temple Israel සිනගෝගයට එල්ල වූ ප්රහාරයේ සැකකරු සම්බන්ධයෙන් තීරණාත්මක තොරතුරු කිහිපයක් විදෙස් මාධ්ය විසින් අනාවරණය කර තිබේ. Fox News වාර්තා කරන පරිදි, මෙම සැකකරු මිචිගන්හි ඩියර්බෝර්න් හයිට්ස් (Dearborn Heights) ප්රදේශයේ පදිංචිව සිටි, ඇමෙරිකානු පුරවැසිභාවය ලබාගත් (Naturalized US citizen) පුද්ගලයෙකි.
ඔහු මුලින් ලෙබනනයේ සිට පැමිණි අයෙකු වන අතර, මෑතකදී ඉශ්රායලය විසින් ලෙබනනයට එල්ල කළ ගුවන් ප්රහාරයකින් ඔහුගේ පවුලේ සාමාජිකයන් මියගොස් ඇති බව Fox 2 Detroit පුවත් සේවය පවසයි. සැකකරු පුපුරණ ද්රව්ය පිරවූ රථයකින් සිනගෝගය වෙත කඩා වැදී වෙඩි තැබීම ආරම්භ කර ඇති අතර, එහි සිටි ආරක්ෂක නිලධාරියෙකු එල්ල කළ ප්රතිප්රහාරවලින් සැකකරු මියගොස් තිබේ.
මෙම ප්රහාරයෙන් එක් ආරක්ෂක නිලධාරියෙකු තුවාල ලබා ඇති අතර වෙනත් ජීවිත හානි වාර්තා වී නොමැති බව ඕක්ලන්ඩ් ප්රාන්ත ෂෙරිෆ් මයිකල් බුචාර්ඩ් (Michael Bouchard) තහවුරු කළේය. සැකකරුගේ මරණයට නිශ්චිත හේතුව පශ්චාත් මරණ පරීක්ෂණයෙන් පසුව අනාවරණය කරන බවත්, සිද්ධිය සම්බන්ධයෙන් අඛණ්ඩව විමර්ශන පවත්වන බවත් ඔහු වැඩිදුරටත් සඳහන් කළේය.
