ඇමෙරිකානු ස්වදේශ ආරක්ෂක දෙපාර්තමේන්තුවේ (DHS) ලේකම් ධුරයෙන් ඉවත් කරනු ලැබූ ක්රිස්ටි නෝම් (Kristi Noem) සහ ඇයගේ සමීපතම දේශපාලන මිත්රයෙකු වන කෝරි ලෙවන්ඩොව්ස්කි (Corey Lewandowski) අතර පැවති බව කියන රහසිගත සම්බන්ධතාවය මේ වන විට අවසන් වී ඇති බව විදෙස් මාධ්ය වාර්තා කරයි. ඇයගේ තනතුර අහිමි වීමත් සමඟ ලෙවන්ඩොව්ස්කි මෙලෙස ඇයගෙන් ඈත් වී ඇති බව රොබ් ෂූටර් (Rob Shuter) විසින් නිකුත් කළ වාර්තාවක දැක්වේ.
ලෙවන්ඩොව්ස්කි සහ නෝම් දෙදෙනාම විවාහක පුද්ගලයන් වුවද ඔවුන් අතර ප්රේම සම්බන්ධයක් පවතින බවට දීර්ඝ කාලයක සිට කටකතා පැතිර ගියේය. නවතම වාර්තා පවසන්නේ තනතුර සහ බලය නොමැතිව ඇය සමඟ සබඳතා පැවැත්වීමට ලෙවන්ඩොව්ස්කිට අවශ්යතාවයක් නොමැති බවයි. DHS ආයතනය තුළ “විශේෂ රජයේ සේවකයෙකු” ලෙස කටයුතු කරමින් එහි මෙහෙයුම් සඳහා විශාල බලපෑමක් එල්ල කළ ලෙවන්ඩොව්ස්කි, නෝම්ගේ බලය පිරිහීමත් සමඟ මෙලෙස ඇයව මඟහැරීමට පටන් ගෙන ඇත.
මෙම පුවත සමාජ මාධ්ය ඔස්සේ දැඩි කතාබහට ලක්ව ඇත්තේ වොෂින්ටන් දේශපාලනය තුළ බලය සහ සබඳතා කෙතරම් දුරට එකිනෙකට බැඳී පවතින්නේද යන්න මෙමඟින් මැනවින් පිළිඹිබු වන නිසාය. ක්රිස්ටි නෝම් ලේකම් ධුරයෙන් ඉවත් කිරීමෙන් පසු ඇය මුහුණ දී සිටින දැඩි පීඩාකාරී වාතාවරණය මෙම පෞද්ගලික සබඳතාව බිඳ වැටීමත් සමඟ තවත් උත්සන්න වී තිබේ.
