ඉරානයේ නව උත්තරීතර නායක මොජ්ටාබා ඛමේනි (Mojtaba Khamenei) විසින් සිදු කරන ලද පළමු ප්රසිද්ධ දේශනය විකාශය කිරීමට පියවර ගැනීම සම්බන්ධයෙන් ඩොල්න්ඩ් ට්රම්ප් ප්රමුඛ ඇමරිකානු රජය CNN පුවත් නාලිකාවට දැඩි විවේචන එල්ල කර තිබේ. ඉරාන නායකයා සිය දේශනය හරහා ඇමරිකාවට සහ ඉශ්රායලයට දැඩි අනතුරු ඇඟවීම් රැසක් නිකුත් කර ඇති අතර, CNN නාලිකාව එම දේශනය අඛණ්ඩව මිනිත්තු හතරක් විකාශය කිරීම මෙලෙස රජයේ අප්රසාදයට හේතු වී ඇත.
ට්රම්ප් පරිපාලනයේ තොරතුරු සත්යාපනය කිරීමේ නිල X ගිණුම වන ‘Rapid Response 47’ හරහා නිවේදනයක් නිකුත් කරමින් සඳහන් කර ඇත්තේ, වසර 47ක් පුරා ඇමරිකානුවන් ඝාතනය කිරීම ගැන ආඩම්බර වන “මිනීමරු පාලනයක” ප්රචාරණ වැඩසටහනක් CNN නාලිකාව විසින් මෙලෙස ප්රසිද්ධ කර ඇති බවයි. ඔවුන් මෙම විකාශනය “ව්යාජ පුවත්” (Fake News) ලෙස හඳුන්වමින් CNN නාලිකාවේ ක්රියාව දැඩි ලෙස හෙළා දැක තිබේ.
මැදපෙරදිග පවතින උණුසුම් යුදමය වාතාවරණය හමුවේ ඉරාන නායකත්වයේ ප්රකාශයන්ට මෙලෙස ජාත්යන්තර මාධ්ය අවකාශය ලබා දීම ඇමරිකානු ආරක්ෂක ප්රතිපත්තිවලට එල්ල වූ බාධාවක් ලෙස ට්රම්ප් රජය සලකයි. මෙම සිදුවීමත් සමඟ ඇමරිකානු රජය සහ මාධ්ය ආයතන අතර පවතින ගැටුම්කාරී ස්වභාවය නැවතත් කරළියට පැමිණ තිබේ.
