2026 මාර්තු 15 වනදා වන අද දිනයේ පස්වරු 2.00න් පසුව බස්නාහිර, සබරගමුව, මධ්යම, වයඹ සහ ඌව පළාත්වලත්, ගාල්ල, මාතර, මන්නාරම සහ අනුරාධපුර දිස්ත්රික්කවලත් ස්ථාන කිහිපයක වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් මධ්යම, සබරගමුව සහ වයඹ පළාත්වල ඇතැම් ස්ථානවලට මිලිමීටර් 50 ඉක්මවූ තරමක් තද වැසි ඇතිවිය හැකි බවට ද පුරෝකථනය කර තිබේ.
අද උදෑසන කාලයේදී මධ්යම, සබරගමුව සහ ඌව පළාත්වලත්, ගාල්ල සහ මාතර දිස්ත්රික්කවලත් ඇතැම් ස්ථානවල මීදුම් සහිත තත්ත්වයක් පැවතිය හැකිය. ගිගුරුම් සහිත වැසි සමඟ තාවකාලිකව ඇතිවිය හැකි තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටියි.
