එළඹෙන හජ් සමයට පෙර වත්මන් උම්රා වන්දනා සමය සඳහා වන තීරණාත්මක දින වකවානු සෞදි අරාබියේ හජ් සහ උම්රා අමාත්යාංශය විසින් ප්රකාශයට පත් කර තිබේ. ඒ අනුව උම්රා වීසා නිකුත් කරනු ලබන අවසන් දිනය ලෙස ෂව්වාල් (Shawwal) මස පළමු වනදා නම් කර ඇති අතර, සියලුම උම්රා වන්දනාකරුවන් ෂව්වාල් 15 වනදාට පෙර සෞදි අරාබියට ඇතුළු විය යුතුය.
එසේම, මෙවර උම්රා වන්දනාව සඳහා පැමිණෙන පිරිස් දුල් කඩා (Dhul Qada) මස පළමු වනදා වන විට එරටින් පිටව යා යුතු බව අමාත්යාංශය අවධාරණය කරයි. හජ් සහ උම්රා සමාගම් සමඟ පැවැති විශේෂ සාකච්ඡාවකදී බලධාරීන් පෙන්වා දී ඇත්තේ උම්රා වීසා බලපත්රයක් භාවිත කරමින් හජ් වන්දනාවේ යෙදීමට කිසිදු අවස්ථාවක් නොමැති බවත්, ඒ සඳහා වලංගු හජ් වීසා බලපත්රයක් අනිවාර්ය බවත්ය.
වන්දනාකරුවන්ගේ ගුවන් ගමන් දත්ත නිසි පරිදි යාවත්කාලීන කිරීම සහ ගුවන් තොටුපළවල තදබදය අවම කිරීම සඳහා ලබා දී ඇති උපදෙස් පිළිපදින ලෙසද අමාත්යාංශය දැනුම් දෙයි. සෞදි අරාබියේ ‘Vision 2030’ උපායමාර්ගයට අනුව වන්දනාකරුවන්ට ලබා දෙන සේවාවන්හි ගුණාත්මකභාවය ඉහළ නැංවීම මෙම නව නියාමනයන්හි ප්රධාන අරමුණ වී තිබේ.
