ජාතික ඉන්ධන අවසර පද්ධතිය (QR Code) නැවත හඳුන්වා දීමත් සමඟ ඉන්ධන පිරවුම්හල් අසල නිර්මාණය වී ඇති අධික රථවාහන තදබදය සහ ජන පීඩනය පාලනය කිරීම සඳහා දිවයින පුරා සියලුම පිරවුම්හල් වෙත පොලිස් ආරක්ෂාව සැපයීමට පියවර ගෙන ඇති බව රථවාහන පාලන හා මාර්ග ආරක්ෂාව භාර නියෝජ්ය පොලිස්පති ඩබ්.පී.ජේ. සේනාධීර මහතා පවසයි. මහජනතාව තුළ ඇති වී තිබෙන අනවශ්ය කලබලය හේතුවෙන් පෝලිම් නිර්මාණය වී ඇති බවත්, එම තත්ත්වය කළමනාකරණය කරමින් සාමකාමීව ඉන්ධන බෙදා හැරීමට සහාය වීම සඳහා පොලිස් ස්ථානාධිපතිවරුන්ගේ මෙහෙයවීමෙන් නිලධාරීන් කණ්ඩායම් යොදවා ඇති බවත් ඒ මහතා වැඩිදුරටත් සඳහන් කළේය.
මැදපෙරදිග පවතින යුදමය වාතාවරණය හමුවේ ඉන්ධන කළමනාකරණය සඳහා මෙම QR ක්රමය හඳුන්වා දුන් බව සිහිපත් කළ නියෝජ්ය පොලිස්පතිවරයා, පාරිභෝගිකයන් අනවශ්ය ලෙස කලබල වී ඉන්ධන රැස් කිරීමට උත්සාහ නොකළ යුතු බව අවධාරණය කළේය. තමන්ගේ වාහන කාණ්ඩයට අදාළ ඉන්ධන ප්රමාණය ඕනෑම පිරවුම්හලකින් ලබා ගැනීමට අවස්ථාව පවතින බැවින්, මාර්ග අවහිර වන සේ පෝලිම් ගැසීමෙන් වළකින ලෙසත්, පවතින යුදමය වාතාවරණය හමුවේ රජය ගෙන ඇති මෙම කළමනාකරණ වැඩපිළිවෙළට සහාය වන ලෙසත් ඔහු මහජනතාවගෙන් ඉල්ලා සිටියි.
