ධවල මන්දිර කාර්ය මණ්ඩල ප්රධානී සුසී වයිල්ස් (Susie Wiles) හට මුල් අවධියේ පවතින පියයුරු පිළිකාවක් වැළඳී ඇති බව අමෙරිකානු ජනාධිපති ඩොනල්ඩ් ට්රම්ප් අද (16) නිල වශයෙන් නිවේදනය කළේය. ඇය සිය ප්රතිකාර කටයුතු අතරතුර ද ධවල මන්දිරයේ රාජකාරි අඛණ්ඩව ඉටු කිරීමට තීරණය කර ඇති බව ජනාධිපතිවරයා වැඩිදුරටත් සඳහන් කළේය.
ට්රම්ප් ජනාධිපතිවරයා සිය Truth Social ගිණුම හරහා සඳහන් කළේ සුසී වයිල්ස් හට වැළඳී ඇති පිළිකා තත්ත්වය මුල් අවධියේ පවතින බැවින් ඇයගේ සුවය ලැබීමේ හැකියාව (Prognosis) ඉතා ඉහළ මට්ටමක පවතින බවයි. ඇය වහාම ප්රතිකාර කටයුතු ආරම්භ කිරීමට තීරණය කර ඇති අතර, එම කාලසීමාව තුළ ඇය සිය සම්පූර්ණ කාලයම ධවල මන්දිරයේ රාජකාරි සඳහා යෙදවීමට සූදානමින් සිටියි.
ප්රතිකාර ලබන අතරතුර ඇය සිය ධුරයෙන් ඉවත් නොවන බවත්, සුපුරුදු පරිදි සිය සේවය අඛණ්ඩව ලබා දෙන බවත් ජනාධිපතිවරයා තහවුරු කළේය. හෝර්මුස් සමුද්ර සන්ධියේ පවතින අර්බුදය හමුවේ අමෙරිකාව තීරණාත්මක තත්ත්වයක පසුවන මොහොතක, ඇයගේ කැපවීම සහ ශක්තිමත් පෞරුෂය තමා බෙහෙවින් අගය කරන බව ද ජනාධිපති ට්රම්ප් වැඩිදුරටත් ප්රකාශ කළේය.
