හෝමුස් සමුද්ර සන්ධිය වෙත නෞකා යැවීම සම්බන්ධයෙන් ඇමරිකානු පාර්ශ්වයෙන් මෙතෙක් නිශ්චිත ඉල්ලීමක් ඉදිරිපත් වී නොමැති බව ජපාන ආරක්ෂක අමාත්ය කොයිසුමි ෂින්ජිරෝ ප්රකාශ කරයි. පසුගිය ඉරිදා ඇමරිකානු ආරක්ෂක ලේකම් පීට් හෙග්සෙත් සමඟ පැවැති දුරකථන සංවාදයේදී ද එවැනි ඉල්ලීමක් සිදු නොවූ බව ඔහු වැඩිදුරටත් සඳහන් කළ අතර, අද (17) පැවැති කැබිනට් මණ්ඩල රැස්වීමෙන් අනතුරුව මාධ්යවේදීන් අමතමින් කොයිසුමි මහතා පැවසුවේ ජපානය මේ සම්බන්ධයෙන් ඇමරිකා එක්සත් ජනපදය සහ අනෙකුත් අදාළ රටවල් සමඟ සමීපව සහ අඛණ්ඩව සන්නිවේදනය කරන බවයි. හෝමුස් සමුද්ර සන්ධියේ පවතින උණුසුම් තත්ත්වය පිළිබඳව ජපාන රජය දැඩි අවධානයෙන් පසුවන බවත් ඒ පිළිබඳව තොරතුරු රැස්කරමින් පවතින බවත් සඳහන් කළ ආරක්ෂක අමාත්යවරයා, ජපාන ස්වයං ආරක්ෂක බලකායන් (Self-Defense Forces) එම ප්රදේශයට යැවීම සම්බන්ධයෙන් මෙතෙක් කිසිදු තීරණයක් ගෙන නොමැති බව අවධාරණය කළේය.
