උතුරු පළාතේ අහිමි වෙමින් පවතින සිංහල උරුමයන් සහ අයිතිවාසිකම් සුරැකීම අරමුණු කරගනිමින් “සසුන රැකුමට ගෝලීය සිංහල එකමුතුව” සංවිධානය විසින් සංවිධානය කරනු ලබන විශේෂ පාගමන සහ රථ පෙරහැර පිළිබඳව මාධ්ය දැනුවත් කිරීම අද (17) කොළඹ එන්.එම්. පෙරේරා කේන්ද්රයේදී පැවැත්විණි. මෙම වැඩසටහන එළඹෙන මාර්තු 19 වැනිදා යාපනය දුම්රිය ස්ථානය අසලින් ආරම්භ වීමට නියමිත අතර එය දින කිහිපයක් පුරා ගමන් කරමින් මාර්තු 24 වැනිදා කොළඹට ළඟා වීමට සැලසුම් කර ඇත.
මෙම ජාතික මෙහෙයුමේ සමාප්තිය සනිටුහන් කරමින් මාර්තු 25 වැනිදා පස්වරු 2.00 ට කොළඹ සමස්ත ලංකා බෞද්ධ මහා සම්මේලන ශාලාවේදී දැවැන්ත මහ සමුළුවක් පැවැත්වීමට ද කටයුතු යොදා තිබේ. උතුරේ බෞද්ධ සිද්ධස්ථාන ආරක්ෂා කරගැනීම, පුරාවිද්යාත්මක උරුමයන් රැකගැනීම සහ එහි වෙසෙන සිංහල ජනතාවගේ අයිතිවාසිකම් තහවුරු කිරීම මෙම වැඩසටහනේ මූලික අරමුණ බව සංවිධායකයෝ මෙහිදී අවධාරණය කළහ.
අද පැවැති මාධ්ය හමුවේදී එම සංවිධානයේ සභාපති කෝසල පත්තිගේ, ලේකම් සුනිල් කුමාර, බිබිලදෙණියේ ධම්මප්රිය හිමි, අජිත් රණසිංහ, සූර්යසිංහ රත්නායක සහ චේනක අබේසිංහ යන මහත්වරුන් අදහස් දක්වමින් මේ සඳහා සියලු දේශප්රේමී ජනතාවගේ සහයෝගය ඉල්ලා සිටියහ. විශේෂයෙන්ම උතුරේ ඓතිහාසික උරුමයන් විනාශ වීමට ඉඩ නොදී අනාගත පරපුර වෙනුවෙන් ඒවා සුරක්ෂිත කිරීමේ අවශ්යතාව ඔවුන් මෙහිදී දීර්ඝ ලෙස පෙන්වා දෙන ලදී.
