ලංකා ඛනිජ තෙල් නීතිගත සංස්ථාවේ (CPC) ලියාපදිංචි නිත්ය සැපයුම්කරුවන්, පවතින ජාත්යන්තර අර්බුදය ප්රයෝජනයට ගනිමින් ඉදිරිපත් කර ඇති මිල ගණන් (Bids) මීට පෙර පැවති සාමාන්ය මිල ගණන්වලට වඩා 96 ගුණයක අධික වැඩිවීමක් පෙන්නුම් කරන බව තහවුරු වී ඇත. මීට පෙර රුපියල් 3ක් වැනි මට්ටමක පැවති ඇතැම් සේවා ගාස්තු හෝ ප්රිමියම් ගාස්තු, වත්මන් ලංසුවලදී රුපියල් 288ක් දක්වා ඉහළ නංවා ඇති අතර, මෙය සාමාන්ය වෙළඳ ප්රතිපත්තියකට පටහැනි “අවස්ථාවාදී කොල්ලයක්” ලෙස ආර්ථික විශේෂඥයෝ හඳුන්වති.
ජාත්යන්තර අවුල් සහගත තත්ත්වය දඩමීමා කරගනිමින් සැපයුම්කරුවන් මෙලෙස අසාධාරණ ලාභ ලැබීමට තැත් කිරීම ශ්රී ලංකාව වැනි රටවල ආර්ථික ස්ථාවරත්වයට දැඩි තර්ජනයකි.
මෙම අසාධාරණ මිල ගණන් පාලනය කිරීමට නම් වහාම නව සැපයුම්කරුවන්ට ද ලංසු ඉදිරිපත් කිරීමට අවස්ථාව ලබා දිය යුතු බව විශේෂඥයෝ යෝජනා කරති. එසේ නොමැති වුවහොත්, මෙම 96 ගුණයක අධික පිරිවැය අවසානයේ පාරිභෝගිකයා මත පැටවීමෙන් මෙරට ඉන්ධන මිල දරාගත නොහැකි මට්ටමකට ඉහළ යනු ඇත.
තොරතුරු උපුටා ගැනීම:
ලංකා ඛනිජ තෙල් නීතිගත සංස්ථා දත්ත, Bloomberg Energy, Reuters සහ දේශීය ආර්ථික විශ්ලේෂණ වාර්තා ඇසුරින්.
