තම 12 හැවිරිදි බාලවයස්කාර නෑනාට වසර දෙකක කාලයක් තිස්සේ බරපතළ ලිංගික අපයෝජනයන් සිදුකළ 40 හැවිරිදි යුද හමුදා සිවිල් නිලධාරියෙකු සහ ඊට අනුබල දුන් ඔහුගේ 22 හැවිරිදි බිරිඳ (දැරියගේ වැඩිමහල් සහෝදරිය) තිරප්පනය පොලිසිය විසින් අත්අඩංගුවට ගෙන තිබේ
අතවරයට පත් දැරිය 2023 වසරේ සිට සිය වැඩිමහල් සහෝදරියගේ නිවසේ රැඳී සිට ඇති අතර එහිදී සහෝදරියගේ සැමියා විසින් 2024 ජනවාරි දක්වා අවස්ථා ගණනාවකදී මෙම අපරාධය සිදුකර ඇති බව පොලිසිය පවසයි
දැරිය මේ පිළිබඳව සිය සහෝදරියට පවසා ඇතත් ඇය ඒ පිළිබඳව කිසිදු පියවරක් ගෙන නොමැති අතර සැකකරු විසින් සිද්ධිය කිසිවෙකුටත් නොපවසන ලෙසට දැරියට මරණ බිය ගන්වා තර්ජනය කර ඇති බව අනාවරණය වී ඇත
ජාතික ළමාරක්ෂක අධිකාරියට ලැබුණු තොරතුරකට අනුව සිදුකළ විමර්ශනයකින් පසු සැකකරු සහ සැකකාරිය පසුගිය 15 වනදා අත්අඩංගුවට ගෙන තිබේ
අතවරයට පත් දැරිය වෛද්ය පරීක්ෂණයකට යොමු කිරීමට පියවර ගෙන ඇති අතර තිරප්පනය පොලිසියේ ළමා හා කාන්තා කාර්යාංශය සිද්ධිය සම්බන්ධයෙන් වැඩිදුර විමර්ශන මෙහෙයවයි
