තණමල්විල ජලසම්පාදන මණ්ඩලය මගින් බෙදා හරිනු ලබන ජලය අතිශයින්ම අපිරිසිදු මට්ටමක පවතින බවට කිවුල්ආර සහ ගල්වලයාය ඇතුළු අවට ගම්මානවල ජනතාව අද (18) දැඩි ලෙස චෝදනා කරති
පාරිභෝගිකයන් පවසන්නේ තමන්ට ලැබෙන ජලය සමඟ මඩ සහ පණුවන් පවා මිශ්ර වී ඇති බැවින් එම ජලය බීමට තබා වැසිකිළි අවශ්යතා සඳහා පවා භාවිතා කළ නොහැකි බවයි
ජල බිල්පත් එකතු කිරීමට සහ ජලය විසන්ධි කිරීමට නිලධාරීන් ඉතා කඩිනමින් ක්රියා කළද, පිරිසිදු ජලය සැපයීමට හෝ නල පද්ධතියේ අලුත්වැඩියාවන් පිළිබඳව ජනතාව දැනුවත් කිරීමට ඔවුන් අපොහොසත් වී ඇති බවට ගම්වැසියෝ චෝදනා කරති
ජලයේ පවතින මෙම අපිරිසිදු තත්ත්වය සහ පූර්ව දැනුම්දීමකින් තොරව ජලය විසන්ධි කිරීම හේතුවෙන් ප්රදේශයේ පවුල් 500කට අධික පිරිසක් සිය එදිනෙදා කටයුතු කර ගැනීමට නොහැකිව දැඩි අසරණභාවයට පත්ව සිටිති
ජනතාව අවධාරණය කරන්නේ තමන් මුදල් ගෙවා ලබා ගන්නා ජලය අවම වශයෙන් මිනිස් පරිභෝජනයට සුදුසු මට්ටමින් ලබා දීමට බලධාරීන් වගබලා ගත යුතු බවයි
මේ සම්බන්ධයෙන් තණමල්විල ජලසම්පාදන මණ්ඩලයෙන් කළ විමසීමකදී ඔවුන් ප්රකාශ කළේ පවතින තත්ත්වය පිළිබඳව සොයා බලා අවශ්ය පියවර ගන්නා බවයි
