අම්පාර, දෙහිඅත්තකණ්ඩිය පොලිස් බල ප්රදේශයට අයත් සඳුන්පුර ප්රදේශයේදී ඊයේ (17) සිදුවූ රිය අනතුරකින් 58 හැවිරිදි කාන්තාවක ජීවිතක්ෂයට පත්ව තිබේ. මහියංගනය දෙසට ධාවනය වූ ලොරි රථයක් ප්රතිවිරුද්ධ දෙසින් පැමිණි ත්රිරෝද රථයක මුහුණට මුහුණ ගැටීමෙන් මෙම අනතුර සිදුව ඇත.
මියගොස් ඇත්තේ දමනේගම පදිංචිව සිටි ඩී.එම්.ඩබ්ලිව්. කුසුමා කුමාරි නැමැති 58 හැවිරිදි කාන්තාවකි. ඇය දෙහිඅත්තකණ්ඩිය මූලික රෝහලේ ප්රතිකාර ලබමින් සිටියදී මියගොස් තිබේ
අනතුරින් ත්රිරෝද රථයේ රියදුරු ඇතුළු තිදෙනෙකු බරපතළ තුවාල ලබා ඇති අතර, තුවාල ලැබූ අනෙක් කාන්තාව සහ ඇයගේ දරුවාගේ තත්ත්වය බරපතළ බැවින් වැඩිදුර ප්රතිකාර සඳහා මහනුවර ශික්ෂණ රෝහල වෙත මාරු කර යවා ඇත
අනතුර සම්බන්ධයෙන් ලොරි රථය පැදවූ 25 හැවිරිදි තරුණයා දෙහිඅත්තකණ්ඩිය පොලිසිය විසින් අත්අඩංගුවට ගෙන තිබේ
නැගෙනහිර දිසාව භාර ජ්යෙෂ්ඨ නියෝජ්ය පොලිස්පති වරුණ ජයසුන්දර මහතා ඇතුළු ඉහළ පොලිස් නිලධාරීන්ගේ අධීක්ෂණය යටතේ දෙහිඅත්තකණ්ඩිය පොලිසිය මේ පිළිබඳ වැඩිදුර විමර්ශන සිදු කරයි. පවතින ඉන්ධන අර්බුදය හමුවේ මාර්ගවල වාහන ධාවනය සීමා වී ඇතත්, රියදුරන්ගේ නොසැලකිලිමත් භාවය මෙවැනි අනතුරුවලට හේතු වී ඇති බව පොලිසිය පෙන්වා දෙයි.
