ඇෆ්ගනිස්ථානයේ කාබුල් අගනුවර පිහිටි ‘ඔමිඩ්’ (Omid) මත්ද්රව්ය පුනරුත්ථාපන මධ්යස්ථානයකට ඊයේ (17) එල්ල වූ දරුණු ගුවන් ප්රහාරයකින් පුද්ගලයින් 400කට අධික පිරිසක් ජීවිතක්ෂයට පත්ව ඇති බව වාර්තා වේ.
ප්රහාරය එල්ල වන අවස්ථාවේදී එහි සිටි සිරකරුවන් පිරිසක් රාමසාන් උපවාසය අතහැර රාත්රී ආහාරය ගනිමින් සිට ඇති බව හෙළි වී තිබේ. ප්රහාරයෙන් තවත් 100කට අධික පිරිසක් තුවාල ලබා ඇති අතර දිවි බේරාගෙන ඇත්තේ පස් දෙනෙකු පමණි
මෙම ප්රහාරය පාකිස්ථානය විසින් එල්ල කරන ලද්දක් බවට තලෙයිබාන් සංවිධානය චෝදනා කළද, පාකිස්ථාන රජය එම චෝදනා තරයේ ප්රතික්ෂේප කරයි. පාකිස්ථාන බලධාරීන් පවසන්නේ අදාළ ස්ථානය ත්රස්තවාදී කටයුතු සඳහා යොදාගත් එකක් බවයි
මෙය මෑත ඉතිහාසයේ පාකිස්ථානය සහ ඇෆ්ගනිස්ථානය අතර වාර්තා වූ මාරාන්තිකම ප්රහාරය ලෙස සැලකෙන අතර, මේ වන විටත් ගලවා ගැනීමේ මෙහෙයුම් ක්රියාත්මක වේ
මැදපෙරදිග ඇවිලී යන ඉරාන-ඇමෙරිකානු යුද්ධය හමුවේ කලාපීය ආරක්ෂාව දැඩි වී ඇති පසුබිමක, මෙම ප්රහාරය දකුණු ආසියානු කලාපයේ ස්ථාවරත්වයට දැඩි බලපෑමක් එල්ල කරනු ඇතැයි විදේශ දේශපාලන විචාරකයෝ පෙන්වා දෙති. මෙම තත්ත්වය සැලකිල්ලට ගෙන අද දින මෙරට ආරක්ෂක අංශ ද විශේෂ අවධානයකින් පසුවන බව වාර්තා වේ.
