ඉරානයට එරෙහිව දැනටමත් දියත් කර ඇති හමුදාමය ප්රහාර තවදුරටත් දැඩි කරමින්, එරට පාලන බලය සම්පූර්ණයෙන්ම අඩපණ කරන බවට ඇමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ. ඉරානය “ත්රස්ත රාජ්යයක්” ලෙස හඳුන්වමින් ඔහු අවධාරණය කර ඇත්තේ, එහි ඉතිරිව ඇති කොටස් ද විනාශ කර අවසන් කළ යුතු බවයි. මෙම ප්රකාශයත් සමඟ මැදපෙරදිග කලාපයේ පවතින යුදමය වාතාවරණය තවදුරටත් උණුසුම් වී ඇත.
විශේෂයෙන්ම මාර්තු 1 වනදා සිට ඉරානය විසින් වසා දමා ඇති හෝමුස් සමුද්ර සන්ධිය (Strait of Hormuz) යළි විවෘත කිරීම සම්බන්ධයෙන් ජනාධිපති ට්රම්ප් සිය දැඩි අවධානය යොමු කර ඇත. මෙම සමුද්ර සන්ධිය හරහා ලෝකයට අවශ්ය තෙල් සැපයුමෙන් විශාල ප්රමාණයක් ගමන් කරන බැවින්, එය විවෘත කිරීම සඳහා ඇමෙරිකාවේ මිත්ර රටවල් මෙන්ම චීනය ද සෘජුව මැදිහත් විය යුතු බව ඔහු අවධාරණය කළේය.
එමෙන්ම, හෝමුස් සමුද්ර සන්ධිය හරහා තෙල් ලබාගන්නා නමුත් ඇමෙරිකාව දියත් කර ඇති මෙහෙයුම් සඳහා නිසි සහයෝගයක් ලබා නොදෙන මිත්ර රටවල් ද ට්රම්ප්ගේ දැඩි විවේචනයට ලක් විය. “ඔවුන් තෙල් ලබාගන්නවා, නමුත් උදව් කරන්නේ නැහැ” යනුවෙන් පවසමින් ඔහු මිත්ර රටවල ක්රියාකලාපය හෙළා දුටුවේය.
