සීනිගම ශ්රී මහා දෙවොල් දේවාලයේ 59 වැනි වාර්ෂික මහා දේව පූජෝපහාර පෙරහැර මංගල්යයේ දිනයන් චාරිත්රානුකූලව ප්රකාශයට පත් කිරීමේ උත්සවය පසුගියදා උත්කර්ෂවත් අන්දමින් පවත්වා තිබේ. දකුණු පළාත් ආණ්ඩුකාර සුසිරිපාල මානවඩු, නියෝජ්ය අමාත්ය නලින් හේවගේ ඇතුළු සම්භාවනීය අමුත්තන් රැසකගේ සහභාගීත්වයෙන් මෙම නිල ප්රකාශය සිදු කෙරුණි.
මෙවර පෙරහැර මංගල්යය අගෝස්තු මස 8, 9, 10 සහ 11 යන දිනයන් හිදී උත්කර්ෂවත් අන්දමින් පැවැත්වීමට කටයුතු සූදානම් කර ඇත. හික්කඩුව නගරාධිපති යසස්වීන් ගොඩකන්ද සහ ගාලු දිසාභාර නියෝජ්ය පොලිස්පති යූ. එල්. පුෂ්ප කුමාර යන මහත්වරුන් ඇතුළු නිලධාරීන්ගේ අධීක්ෂණය යටතේ බැතිමතුන් සඳහා අවශ්ය පහසුකම් සහ ආරක්ෂාව තහවුරු කිරීමට පියවර ගෙන තිබේ.
ශ්රී ලංකාවේ දකුණු වෙරළ තීරයේ පිහිටි සුවිශේෂී සිද්ධස්ථානයක් වන සීනිගම දේවාලයේ මෙම වාර්ෂික පෙරහැර, දෙවොල් දෙවියන් උදෙසා කෙරෙන ප්රධානතම පූජෝපහාරයකි. පෙරහැර පැවැත්වෙන දිනවලදී සීනිගම ප්රදේශයේ රථවාහන පාලනය සහ විශේෂ ප්රවාහන සේවා පිළිබඳව ඉදිරියේදී දැනුම් දීමට නියමිතය.
