‘The Secret Lives of Mormon Wives’ හරහා ජනප්රිය වූ Taylor Frankie Paul සිය හිටපු පෙම්වතා වන Dakota Mortensen හට කුඩා දරුවෙකු ඉදිරිපිටදී පහර දෙන අයුරු දැක්වෙන 2023 වසරේ පැරණි වීඩියෝවක් සමාජ මාධ්ය තුළ යළිත් දැඩි කතාබහට ලක්ව තිබේ. TMZ වෙබ් අඩවිය මගින් ප්රසිද්ධ කරන ලද මෙම දර්ශන පෙළ හේතුවෙන් ඇය සම්බන්ධ වන නවතම රූපවාහිනී වැඩසටහන් රැසක් අත්හිටුවීමට බලධාරීන් තීරණය කර ඇත.
මෙම සිදුවීමට අදාළව ඇයට එරෙහිව ප්රහාර එල්ල කිරීම, සාපරාධී හානි සිදු කිරීම සහ දරුවෙකු ඉදිරිපිට ගෘහස්ථ ප්රචණ්ඩත්වය සිදු කිරීම යන චෝදනා එල්ල වී තිබේ. මෙහි ප්රතිඵලයක් ලෙස ඇය සහභාගී වීමට නියමිතව තිබූ ‘Bachelorette’ නවතම අදියර ABC නාලිකාව විසින් අවලංගු කර ඇති අතර ‘Mormon Wives’ රූගත කිරීම් ද තාවකාලිකව නතර කර ඇති බව විදෙස් මාධ්ය වාර්තා කරයි.
ඇයගේ පවුල් පසුබිම පිළිබඳව විමසීමේදී Taylor Frankie Paul හට දරුවන් තිදෙනෙකු සිටින අතර ඇයගේ හිටපු සැමියා වන Tate සමඟ විවාහ වී සිටි කාලයේදී 2017 වසරේදී Indy May දියණිය සහ පසුව Ocean පුතු මෙලොවට බිහි විය. ඇයගේ වත්මන් සහකරු වන Dakota Mortensen සමඟ මෑතකදී Ever True නැමති බිළිඳා ද පවුලට එක්ව තිබේ.
මෙම ප්රචණ්ඩකාරී වීඩියෝව ප්රසිද්ධ වීමත් සමඟ දරුවන්ගේ ආරක්ෂාව සහ ඔවුන්ගේ පියවරුන් පිළිබඳව රසිකයන් තුළ දැඩි කුතුහලයක් සහ කනස්සල්ලක් මතු වී තිබේ. විශේෂයෙන්ම ගෝලීය වශයෙන් ජනප්රිය රූපවාහිනී තරුවකගේ මෙවැනි හැසිරීම් පිළිබඳව විදෙස් මාධ්ය දැඩි ලෙස විවේචන එල්ල කරමින් සිටින අතර මෙම සිදුවීම ඇයගේ ඉදිරි වෘත්තීය ජීවිතයට ද දැඩි බලපෑමක් එල්ල කරනු ඇතැයි විශ්වාස කෙරේ.
