ලොව ජනප්රිය සමාජ මාධ්ය ජාලයක් වන රෙඩිට් (Reddit) වෙබ් අඩවිය සහ එහි ජංගම යෙදුම (App) අද (මාර්තු 20) දරුණු බිඳවැටීමකට ලක්ව ඇති බව වාර්තා වේ. ලොව පුරා විසිරී සිටින දසදහස් සංඛ්යාත පරිශීලකයන්ට මෙහි අන්තර්ගතයන් නැරඹීමට, අදහස් දැක්වීමට හෝ ගිණුම් වෙත පිවිසීමට නොහැකි වී ඇති අතර මේ වන විට “Downdetector” වෙබ් අඩවිය වෙත ඇමෙරිකාවෙන් පමණක් පැමිණිලි 16,000කට අධික සංඛ්යාවක් ලැබී තිබේ.
පරිශීලකයන් බොහෝ දෙනෙකුට “Something went wrong” යනුවෙන් දෝෂ පණිවිඩ දර්ශනය වන අතර ඇතැම් පිරිස් පෙන්වා දෙන්නේ රෙඩිට් අඩවිය මෙලෙස නිතර බිඳවැටීමට ලක්වීම ගැටලුකාරී බවයි. “Claude” වැනි අනෙකුත් ප්රධාන සේවාවන් ද මීට පෙර මෙවැනි බිඳවැටීම්වලට ලක් වූ පසුබිමක මෙම ගෝලීය බිඳවැටීම පිළිබඳව රෙඩිට් සමාගම මේ දක්වා නිල ප්රකාශයක් නිකුත් කර නොමැත. රෙඩිට්හි සේවා තත්ත්වය පරීක්ෂා කරන (Server status) පිටුවේ කිසිදු දෝෂයක් මෙතෙක් සටහන්ව නොතිබීම ද විශේෂත්වයකි.
ඔබේ පරිගණකයේ බ්රවුසර දත්ත (Cache සහ Cookies) මකා දමා නැවත රෙඩිට් අඩවියට පිවිසීමට උත්සාහ කරන්න. එසේම ඔබ රෙඩිට් ඇප් එක භාවිත කරන්නේ නම් එහි නවතම සංස්කරණය පවතීදැයි පරීක්ෂා කර එය යාවත්කාලීන කරන්න. මීට අමතරව ඇතැම් විට VPN සබඳතාවක් හරහා හෝ වෙනත් අන්තර්ජාල ජාලයක් හරහා පිවිසීමට උත්සාහ කිරීමෙන් ද මෙම ගැටලුව තාවකාලිකව මඟහරවා ගත හැකිය.
