හෝමුස් සමුද්ර සන්ධිය (Strait of Hormuz) හරහා සිදුවන නාවික ගමනාගමනය යළි විවෘත කිරීම සඳහා ඉරානයට බලපෑම් කිරීමේ අරමුණින් ඛාර්ග් දූපත (Kharg Island) අත්පත් කර ගැනීමට හෝ අවහිර කිරීමට (Blockade) ඩොනල්ඩ් ට්රම්ප්ගේ පරිපාලනය සලකා බලමින් සිටින බව ඇක්සියෝස් (Axios) පුවත් සේවය වාර්තා කරයි. ඉරානය විසින් හෝමුස් සමුද්ර සන්ධිය අවහිර කිරීම හේතුවෙන් ගෝලීය බලශක්ති මිල ගණන් සීඝ්රයෙන් ඉහළ ගොස් ඇති අතර එම ග්රහණය බිඳ දැමීම සඳහා වොෂින්ටනය මෙම පියවර ගැනීමට සූදානම් වන බව ආරංචි මාර්ග හතරක් උපුටා දක්වමින් එම වාර්තාව සඳහන් කරයි. ඉරාන වෙරළට සැතපුම් 15ක් පමණ දුරින් පිහිටි ඛාර්ග් දූපත ඉරානයේ බොරතෙල් අපනයනයෙන් 90%ක් පමණ මෙහෙයවන ප්රධාන මධ්යස්ථානය වන බැවින් එය ගෝලීය තෙල් සැපයුම් දාමයේ තීරණාත්මක සන්ධිස්ථානයක් ලෙස සැලකේ.
