‘Buffy the Vampire Slayer’ ටෙලි නාට්ය මාලාවේ ‘සැන්ඩර් හැරිස්’ ලෙසත් ‘Criminal Minds’ හි සිය රංගනයෙනුත් ලොව පුරා ප්රසිද්ධියට පත් වූ ඇමෙරිකානු නළු නිකලස් බ්රෙන්ඩන් වයස අවුරුදු 54 දී අභාවප්රාප්ත වී තිබේ. ඔහුගේ පවුලේ සාමාජිකයන් විසින් නිකුත් කරන ලද නිල නිවේදනයකට අනුව ඔහු නින්දේදීම ස්වභාවික හේතූන් මත මියගොස් ඇති බව තහවුරු කර ඇත.
රංගනයට අමතරව මෑත කාලයේදී ඔහු සිතුවම්කරණය සහ චිත්ර කලාව කෙරෙහි දැඩි ඇල්මක් දැක්වූ අතර ඔහුගේ නිර්මාණ රසිකයන් අතර බෙහෙවින් ජනප්රිය විය. චිත්ර කලාව ඔහුගේ සංවේදී සහ නිර්මාණශීලී පෞරුෂයේ කැඩපතක් වූ බව පවුලේ සාමාජිකයෝ පවසති. පසුගිය කාලසීමාව තුළ ඔහු විවිධ සෞඛ්යමය සහ පෞද්ගලික අභියෝගවලට මුහුණ දුන් නමුත් මියයන විට ඔහු ඉතා යහපත් මානසිකත්වයකින් සහ අනාගතය පිළිබඳ සුබවාදී බලාපොරොත්තුවලින් පසු වූ බව වාර්තා වේ.
මෙම ශෝකී අවස්ථාවේදී ඔවුන්ගේ පෞද්ගලිකත්වය ආරක්ෂා කරන ලෙසත් තීව්ර පරිකල්පනයකින් සහ හදවතකින් යුතුව ජීවත් වූ මෙම මිනිසාගේ ජීවිතය සැමරීමට සහාය වන ලෙසත් පවුලේ අය රසිකයන්ගෙන් ඉල්ලා සිටිති. හොලිවුඩ් සිනමා ක්ෂේත්රයේ සහ ටෙලි නාට්ය කලාවේ සුවිශේෂී සලකුණක් තැබූ ඔහුගේ අභාවය සම්බන්ධයෙන් ලොව පුරා රසිකයන් සිය ශෝකය පළ කරමින් සිටිති.
