මීට වසර කිහිපයකට පෙර බන්ධනාගාරය තුළදී මියගිය බවට වාර්තා වූ සුප්රසිද්ධ ප්රකෝටිපති ජෙෆ්රි එප්ස්ටයින් (Jeffrey Epstein) තවමත් ජීවතුන් අතර සිටින බවට පවසමින් අමෙරිකාවේ ෆ්ලොරිඩා ප්රාන්තයෙන් වාර්තා වූ වීඩියෝවක් නිසා ලෝකය පුරා දැඩි කතාබහක් නිර්මාණය වී තිබේ. “පාම් බීච් පීට්” (Palm Beach Pete) ලෙස හඳුන්වන පුද්ගලයෙකු මෝටර් රථයක් පදවාගෙන යන අයුරු දැක්වෙන වීඩියෝවක් සමාජ මාධ්ය හරහා ප්රචාරය වීමත් සමඟ ඔහු එප්ස්ටයින්ට බෙහෙවින් සමාන බව බොහෝ දෙනා පවසා ඇත.
කෙසේ වෙතත්, මෙම පුද්ගලයා තමා එප්ස්ටයින් නොවන බවත්, තම සැබෑ නම අනාවරණය කරමින් තමා සාමාන්ය ෆ්ලොරිඩා වැසියෙකු බවත් ප්රකාශ කර තිබේ. එසේ වුවද, ඇතැම් පිරිස් එප්ස්ටයින්ගේ සහ මෙම පුද්ගලයාගේ දත්වල ස්වභාවය (Teeth alignment) සංසන්දනය කරමින් ඡායාරූප පළ කරමින් ඔහු 100%ක්ම එප්ස්ටයින් බවට තර්ක කරති. 2019 වසරේදී එප්ස්ටයින්ගේ මරණය සියදිවි නසාගැනීමක් ලෙස තීන්දු කර තිබුණද, මෙම නවතම සිදුවීමත් සමඟ එම මරණය පිළිබඳ සැකය යළිත් ලෝකය පුරා දැඩිව කතාබහට ලක්ව තිබේ.
