පොලිස් නිලධාරියෙකු ලෙස පෙනී සිටිමින් දිවයිනේ විවිධ ප්රදේශවල ව්යාපාරිකයන් බිය ගන්වා මුදල් කොල්ලකෑ සැකකරුවෙකු හෙරොයින් සමඟ අත්අඩංගුවට ගැනීමට පානදුර වලාන දූෂණ මර්දන ප්රහාරක ඒකකය සමත්ව තිබේ. ගැලනිගම අධිවේගී පිවිසුම් මාර්ගය ආසන්නයේදී සිදුකළ මෙම වැටලීමේදී සැකකරු සන්තකයේ තිබී හෙරොයින් ග්රෑම් 25 යි මිලිග්රෑම් 620 ක් පොලිස් භාරයට ගෙන ඇත. අත්අඩංගුවට ගත් සැකකරු අම්බලන්ගොඩ ප්රදේශයේ පදිංචි 31 හැවිරිදි පුද්ගලයෙකු බව වාර්තා වේ.
මොහු මීට පෙරද මත්ද්රව්ය ජාවාරම්, සොරකම්, කොල්ලකෑම් සහ කප්පම් ගැනීම් සම්බන්ධයෙන් වැරදිකරු වී බන්ධනාගාරගතව සිටි අයෙකු බව විමර්ශනවලදී අනාවරණය වී තිබේ. විශේෂයෙන්ම වලාන දූෂණ මර්දන ඒකකයේ ස්ථානාධිපතිවරයා ලෙස පෙනී සිටිමින් වට්ස් ඇප් තාක්ෂණය ඔස්සේ හෝටල් සහ අවන්හල් හිමියන්ට ඇමතුම් ලබා දී තර්ජනය කර මුදල් ලබා ගැනීම මොහුගේ උපක්රමය වී ඇත. අම්බලන්ගොඩ, රත්නපුර, හොරණ, පානදුර සහ ත්රිකුණාමලය වැනි ප්රදේශ රැසක මොහු මෙලෙස ව්යාපාරිකයන් බිය ගන්වා ඇති බව පොලිසිය පවසයි.
මෙලෙස පොලිස් නිලධාරින් ලෙස පෙනී සිටිමින් යම් පුද්ගලයෙකු තර්ජනය කර මුදල් ලබා ගැනීමට උත්සාහ කරන්නේ නම් වහාම 119 හෝ 118 හදිසි ඇමතුම් අංක වෙත දැනුම් දෙන ලෙස පොලිස් මූලස්ථානය මහජනතාවගෙන් ඉල්ලා සිටී. මෙම අත්අඩංගුවට ගැනීම හරහා කාලයක සිට ව්යාපාරිකයන් පීඩාවට පත්කළ සංවිධානාත්මක අපරාධකරුවෙකු නීතියේ රැහැනට හසුකර ගැනීමට හැකි වී තිබේ.
