ශ්රී ලංකා මහ බැංකුව විසින් නිකුත් කරන ලද නවතම දත්ත වාර්තාවලට අනුව, 2025 වසර අවසානය වන විට රජය ගෙවීමට ඇති සමස්ත ණය ප්රමාණය රුපියල් බිලියන 29,994.7ක් දක්වා සැලකිය යුතු ලෙස ඉහළ ගොස් තිබේ. 2024 වර්ෂය අවසානයේදී රුපියල් බිලියන 28,738.7ක් ලෙස සටහන් වූ මෙම ණය ප්රමාණය වසරක් ඇතුළත රුපියල් බිලියන 1,255.99කින් වැඩි වී ඇති බව මූල්ය වාර්තා පෙන්වා දෙයි. මෙම ඉහළ යාම මෙරට ආර්ථිකයේ ස්ථාවරත්වය කෙරෙහි බලපාන ප්රධාන සාධකයක් ලෙස ආර්ථික විද්යාඥයින්ගේ අවධානයට ලක්ව ඇත.
මහ බැංකු වාර්තාවට අනුව රජය ගෙවීමට ඇති දේශීය ණය ප්රමාණය රුපියල් බිලියන 18,675.3ක් වන අතර, විදේශීය ණය ප්රමාණය රුපියල් බිලියන 11,319.4ක් ලෙස සටහන් වේ. පසුගිය වසර තුළ දේශීය මූල්ය වෙළඳපොළෙන් ලබාගත් ණය මෙන්ම විදේශීය මූල්ය ආයතන සමඟ සිදුකළ ගනුදෙනු මෙම ණය බර ඉහළ යාමට ප්රධාන වශයෙන් බලපා තිබේ. රටේ දළ දේශීය නිෂ්පාදිතයට (GDP) සාපේක්ෂව මෙම ණය මට්ටම කළමනාකරණය කර ගැනීම ඉදිරි වසරේ පවතින ප්රධාන ආර්ථික අභියෝගය වනු ඇතැයි මූල්ය විශ්ලේෂකයෝ පවසති.
