ඕස්ට්රේලියාවේ වයස අවුරුදු 16ට අඩු දරුවන් සඳහා පනවා ඇති සමාජ මාධ්ය තහනම ක්රියාත්මක කිරීමේදී පැන නැගී ඇති ගැටලුවලට හේතුව තාක්ෂණික සීමාවන් නොව, අදාළ සමාජ මාධ්ය සමාගම් විසින් වයස තහවුරු කිරීමේ මෙවලම් නිසි ලෙස භාවිත නොකිරීම බව තාක්ෂණික සේවා සපයන්නන්ගේ සංගමය පවසයි.
ලොව ප්රථම වරට 2025 දෙසැම්බර් මාසයේදී හඳුන්වා දුන් මෙම නීතිය යටතේ, Alphabet (Google), Meta සහ Snap වැනි ප්රධාන පෙළේ සමාගම් වෙත නියාමන ආයතන විසින් දැඩි අවවාද නිකුත් කරමින් සිටී. තාක්ෂණික සැපයුම්කරුවන් පෙන්වා දෙන්නේ වයස පරීක්ෂා කිරීම සඳහා අවශ්ය නවීන තාක්ෂණය දැනටමත් පවතින නමුත්, සමාජ මාධ්ය ජාලයන් ඒවා ක්රියාත්මක කිරීමට දක්වන උදාසීනත්වය නිසා මෙම තහනම බලාත්මක කිරීම අඩාල වී ඇති බවයි. මේ සම්බන්ධයෙන් ඉදිරියේදී එම සමාගම්වලට එරෙහිව දැඩි නීතිමය ක්රියාමාර්ග ගැනීමට ඕස්ට්රේලියානු රජය සූදානම් වන බව වාර්තා වේ.
