ලබන අප්රේල් මාසය අවසානය දක්වා මෙරටට අවශ්ය ඉන්ධන ඇණවුම් සියල්ල ඊයේ (18) දින ස්ථීර කර අවසන් බව ලංකා ඛනිජ තෙල් සංස්ථාව (CPC) පවසයි. ඒ අනුව තෙල් නැව් 5ක ඇණවුම් ස්ථීර කර ඇති අතර ලබන මාසය අවසානය වනතුරු ඉන්ධන සංචිත අඛණ්ඩව ලැබෙන බැවින් කිසිදු හිඟයක් ඇති නොවන බව සංස්ථාවේ අධ්යක්ෂ මයුර නෙත්තිකුමාරගේ මහතා සඳහන් කළේය. එසේම QR පද්ධතියේ දැනට තාක්ෂණික දෝෂ නොමැති බවත්, එක් හැඳුනුම්පත් අංකයකට සහ දුරකථන අංකයකට ලියාපදිංචි කළ හැක්කේ එක් වාහනයක් පමණක් බවත් ඔහු ජනතාවට සිහිපත් කර සිටී.
