ජාත්යන්තර තොරතුරු දත්ත පද්ධතියකින් ලැබුණු තොරතුරකට අනුව ක්රියාත්මක වූ ශ්රී ලංකා රේගුවේ මධ්යම බුද්ධි අංශය, “ශීතාගාර පැනල” (Cold Room Panels) ලෙස ව්යාජ ලෙස ප්රකාශ කරමින් මෙරටට ගෙන්වන ලද විශාල නීති විරෝධී දුම්වැටි තොගයක් අත්අඩංගුවට ගැනීමට සමත්ව තිබේ. දෙහිවල ප්රදේශයේ පිහිටි සමාගමක ලිපිනයකට ගෙන්වා තිබූ මෙම ශීතාගාර පැනල තුළ ඉතා සූක්ෂම ලෙස සඟවා තිබියදී මෙම දුම්වැටි තොගය සොයාගත් බව ශ්රී ලංකා රේගුව පවසයි. මෙරට ජීවත්වන හෝ රැකියාවල නිරත වන චීන ජාතිකයින් පිරිසක් මෙම ජාවාරමට සෘජුවම සම්බන්ධ බවට රේගුව සැක පළ කරයි.
මෙම වැටලීමේදී චීනයේ නිෂ්පාදිත දුම්වැටි කාටූන් 18,000කට අධික ප්රමාණයක් රේගු භාරයට ගෙන ඇති අතර, එහි අඩංගු සමස්ත දුම්වැටි සංඛ්යාව මිලියන 3.6කි. රේගු නිලධාරීන් පවසන පරිදි මෙම දුම්වැටි තොගයේ වෙළඳපොළ වටිනාකම රුපියල් මිලියන 450කට (ලක්ෂ 4500ක්) අධික වේ. මෙම නීති විරෝධී දුම්වැටි තොගය වැටලීමට නොහැකි වූයේ නම් රජයට අහිමි වීමට තිබූ බදු ආදායම රුපියල් මිලියන 400කට අධික බව ද ශ්රී ලංකා රේගුව වැඩිදුරටත් සඳහන් කළේය.
