සර්වජන බලයේ නායක පාර්ලිමේන්තු මන්ත්රී දිලිත් ජයවීර මහතා පවසන්නේ ජනාධිපති අනුර කුමාර දිසානායක මහතාගේ නාඩගම් දේශපාලනයට තවදුරටත් අනාගතයක් නොමැති බවයි. කොළඹ හෙන්රි පේද්රිස් ක්රීඩාංගණයේ පැවැති සර්වජන බලය මැයි දින රැලිය අමතමින් ඒ මහතා මේ බව සඳහන් කළේය. වත්මන් රජය ඉතා කෙටි කාලයක් තුළ රටේ විශාලතම දූෂණ සිදුකළ ආණ්ඩුව බවත්, මෙවර මැයි දිනය සැමරීමට සිදුව ඇත්තේ ඉතා ඛේදජනක වටපිටාවක බවත් ඒ මහතා පෙන්වා දුන්නේය. වැඩ කරන ජනතාවට එරෙහිව රාජ්ය බලය අසීමිතව භාවිත කළ වෙනත් කිසිදු ආණ්ඩුවක් ඉතිහාසයේ නොමැති බවත්, වෘත්තීය සමිති සටන්වලට එරෙහිව ආණ්ඩුව ක්රියාකළ ආකාරය ප්රජාතන්ත්ර විරෝධී බවත් මන්ත්රීවරයා වැඩිදුරටත් චෝදනා කළේය. මුදල් අමාත්යාංශයේ නිලධාරියෙකුගේ අබිරහස් මරණය සහ ඩොලර් මිලියන ගණනක වංචාවන් හමුවේ මෙම ආණ්ඩුවේ සැබෑ ස්වරූපය හෙළි වී ඇති බව ද දිලිත් ජයවීර මහතා අවධාරණය කළේය. රනිල් වික්රමසිංහ සහ අනුර කුමාර දිසානායක එක්ව අටවාගත් මෙම “ෆොක්සි” ආණ්ඩුව දේශීය හා විදේශීය බලවේගවල පිටුබලය මත ක්රියාත්මක වන ව්යාජ දේශපාලනයක් බවත්, මෙතෙක් අනුගමනය කළ අදූෂිත ආණ්ඩුවක් යන සටන් පාඨය තවදුරටත් මේ රජයට භාවිත කළ නොහැකි බවත් ඒ මහතා වැඩිදුරටත් ප්රකාශ කළේය.
