මත්ද්රව්ය ජාවාරම්කරුවන් සතු නීති විරෝධී දේපළ රාජසන්තක කිරීමට අධිකරණ නියෝග මඟින් යම් කාලයක් ගතවන බැවින්, එම දේපොළ වහාම ක්රියාවිරහිත (Freeze) කර තැබීමේ විශේෂ අතුරු ක්රමවේදයක් අනුගමනය කරන බව මහජන ආරක්ෂක අමාත්ය ආනන්ද විජේපාල පවසයි. ඒ අනුව ඉදිරියේදී රුපියල් බිලියන 1.5ක පමණ දේපොළ ප්රමාණයක් අත්හිටුවීමට අවශ්ය නීතිමය පියවර ගෙන ඇති බව ඔහු සඳහන් කළේය. මහනුවරදී පැවැති ‘රටට එකට’ ජාතික මෙහෙයුමේ ප්රගති සමාලෝචන රැස්වීමට එක්වෙමින් අමාත්යවරයා මේ බව කියා සිටියේය.
පසුගිය ජනවාරි 13 වැනිදා සිට මේ දක්වා මත්ද්රව්ය ජාවාරම්කරුවන් 967 දෙනෙකු අත්අඩංගුවට ගෙන ඇති අතර ඇබ්බැහි වූවන් 2,146 දෙනෙකු පුනරුත්තාපනයට යොමු කර තිබේ. ඉදිරියේදී පුනරුත්තාපන මධ්යස්ථාන දිස්ත්රික් මට්ටමින් වැඩි කිරීමටත්, පොලිස් ස්ථානවල පුරප්පාඩු සඳහා නිලධාරීන් 10,000ක් බඳවා ගැනීමටත්, තොරතුරු සපයන්නන්ට රහස්යභාවය රැකෙන පරිදි විශේෂ තෑගි මුදල් දීමටත් පියවර ගැනේ. විදේශගතව සිටින පාතාල අපරාධකරුවන් සහ වරෙන්තු ලැබූ හිටපු මැතිඇමැතිවරුන් ජාත්යන්තර රතු/නිල් නිවේදන මඟින් දේශපාලන මැදිහත්වීමකින් තොරව ලංකාවට ගෙන්වන බවත්, CID විමර්ශනවලට රජයෙන් කිසිදු බලපෑමක් නැති බවත් අමාත්යවරයා මෙහිදී වැඩිදුරටත් අවධාරණය කළේය.
