ප්රංශ-ඉතාලි ඒකාබද්ධ ඇස් කණ්ණාඩි නිෂ්පාදන දැවැන්තයෙකු වන EssilorLuxottica සමාගම, ඇස් කණ්ණාඩි නිෂ්පාදනය සඳහා අවශ්ය අධි-නිරවද්ය තාක්ෂණයන් (High-precision technologies) සපයනු ලබන ඉතාලියේ Faro සමාගම අත්පත් කරගත් බව අද (23) නිවේදනය කළේය. මෙම මිලදී ගැනීම හරහා සිය නිෂ්පාදන ක්රියාවලිය තවදුරටත් ශක්තිමත් කර ගැනීමටත්, තීරණාත්මක තාක්ෂණික හැකියාවන් සමූහය වෙත එක් කර ගැනීමටත් අපේක්ෂා කරන බව එම සමාගම පවසයි.
මිලාන් නුවර කේන්ද්ර කරගනිමින් සිදු වූ මෙම ගනුදෙනුවේ මූල්යමය වටිනාකම මෙතෙක් අනාවරණය කර නොමැත. කෙසේ වෙතත්, Faro සමාගම සතු සුවිශේෂී තාක්ෂණික දැනුම EssilorLuxottica හි ඉදිරි නිෂ්පාදන සඳහා සෘජුවම දායක කර ගැනීමට නියමිතය. ලෝක ප්රමුඛතම ඇස් කණ්ණාඩි සන්නාම රැසක හිමිකාරිත්වය දරන EssilorLuxottica සමාගම මෙලෙස සිය සැපයුම් දාමය සහ තාක්ෂණික අංශය පුළුල් කිරීම ජාත්යන්තර වෙළෙඳපොළ තුළ සිය ආධිපත්යය තවදුරටත් තහවුරු කිරීමට ගත් පියවරක් ලෙස සැලකේ.
