2026 පන්දුවාර විස්සයි විස්ස ලෝක කුසලාන ක්රිකට් තරගාවලියේ හෙට (08) පැවැත්වෙන අවසන් මහා තරගයට පෙර, තරගාවලියේ වීරයා (Player of the Tournament) සම්මානය සඳහා නිර්දේශිත ක්රීඩකයින් අටදෙනෙකුගේ නාම ලැයිස්තුව ජාත්යන්තර ක්රිකට් කවුන්සිලය (ICC) විසින් ප්රකාශයට පත් කර තිබේ.
මෙවර තරගාවලියේදී පිත්තෙන් සුවිශේෂී දස්කම් දැක්වූ පකිස්තානයේ සහිබ්සාඩා ෆර්හාන්, එක් ලෝක කුසලාන සංස්කරණයකදී ශතක දෙකක් රැස් කළ ලොව පළමු ක්රීඩකයා බවට පත්වෙමින් මෙම ලැයිස්තුවට ඇතුළත්ව ඇත. ඔහු ලකුණු 383ක් රැස් කරගෙන සිටින්නේ 160කට අධික ප්රහාරක වේගයක් රඳවා ගනිමිනි. එංගලන්තයේ විල් ජැක්ස් ද ලකුණු 226ක් සහ කඩුලු 9ක් ලබා ගනිමින් තුන් ඉරියව්වෙන්ම දස්කම් දක්වා මෙම ලැයිස්තුවට එක්ව තිබේ.
අමෙරිකා එක්සත් ජනපදයේ ෂැඩ්ලි වැන් ෂාල්ක්වික් තරග 4කදී පමණක් කඩුලු 13ක් දවා ගනිමින් මෙම ලැයිස්තුවට ඇතුළත් වීම කැපී පෙනෙන සිදුවීමකි. මීට අමතරව දකුණු අප්රිකාවේ ලුන්ගි න්ගිඩි සහ ඒඩන් මාක්රම් ද, නවසීලන්තයේ රචින් රවීන්ද්ර සහ ටිම් සයිෆර්ට් ද, ඉන්දියාවේ සංජු සැම්සන් ද මෙම ගෞරවනීය සම්මානය සඳහා නිර්දේශ වී සිටිති.
විල් ජැක්ස් (එංගලන්තය), සහිබ්සාඩා ෆර්හාන් (පකිස්තානය), ලුන්ගි න්ගිඩි (දකුණු අප්රිකාව), ඒඩන් මාක්රම් (දකුණු අප්රිකාව), රචින් රවීන්ද්ර (නවසීලන්තය), ෂැඩ්ලි වැන් ෂාල්ක්වික් (ඇමරිකාව), ටිම් සයිෆර්ට් (නවසීලන්තය) සහ සංජු සැම්සන් (ඉන්දියාව).
