වැලිමඩ සහ ඌවපරණගම මැතිවරණ කොට්ඨාස යා කෙරෙන උමා ඔය හරහා ඇති ඉහළදෙමෝදර පාලම අසල බුදුකුටියේ තැන්පත් කර තිබූ බුද්ධ ප්රතිමාව කිසියම් පිරිසක් විසින් පෙරේදා (25) රාත්රියේ රැගෙන ගොස් ඇති බව වාර්තා වේ.
මීට වසර 6කට පමණ පෙර ඉදිකරන ලද මෙම බුදුමැදුරේ වැලිමඩ නගරයේ බෞද්ධ සමිති සාමාජිකයන් විසින් දිනපතා ආගමික වතාවත් සිදු කර තිබේ. කෙසේ වෙතත්, මෙම බුදුමැදුර පිහිටි ඉඩමේ අයිතිය සම්බන්ධයෙන් අධිකරණයේ නඩුවක් පැවති අතර, එහි භුක්තිය පසුගියදා අධිකරණය විසින් අදාළ පාර්ශ්වයන් වෙත පවරා දී තිබූ බව ද සඳහන් වේ. මෙම අතුරුදන් වීම සම්බන්ධයෙන් ප්රදේශයේ බෞද්ධ සමිති සාමාජිකයන් සිය කනගාටුව පළ කර සිටිති.
