කොරෝනා වසංගත තත්ත්වය තුලදී පවා මෙරට සංවර්ධනය කටයුතු ශක්තිමත්ව ඉදිරියට ගෙන යන බව ජනමාධ්‍ය ඇමති කෙහෙළිය රඹුක්වැල්ල මහතා පවසයි.
අමාත්‍යවරයා මේ බව පැවසුවේ අද (24) රජයේ ප්‍රවෘත්ති දෙපාර්තමේන්තුවේ දි පැවැති විශේෂ මාධ්‍ය හමුවකට සහභාගි වෙමිනි.
එහිදී අමාත්‍යවරයා කියා සිටියේ පවතින වසංගත තත්ත්වය සඳහා රජය විසින් ජනතාවට සහනාධාර සඳහා මේ වනවිට මිලියන 70 ආසන්න මුදලක් වැය කර ඇති බවයි.
හම්බන්තොට ආශ්‍රිතව ඇති ටයර් කර්මාන්ත ශාලාව සඳහා ඩොලර් මිලියන 300 ආයෝජනයක් ලැබි ඇති බවත් කොළඹ – මහනුවර මාර්ග තදබදය අවම කිරිම සදහා වරකාපොල හා අඹේපුස්ස විකල්ප මාර්ග සදහා මිලියන 04 ක මුදලක් වෙන් කර ඇති බවත් හෙතෙම පැවසිය.
එසේම ආසන 160 ,මාර්ග 160 ක ව්‍යාපෘතිය ,අනුරාධපුරයේ ප්‍රථම මහල් නිවාස යෝජනා ක්‍රමය ආරම්භ කර ඇති බවත්, පෑලියගොඩ මැනිං වෙළඳ සංකීර්ණය යන විවිධ සංවර්ධන වැඩසටහන් මේ වනවිට ක්‍රියාත්මක වන බව ඇමතිවරයා පැවසිය.
