මොනරාගල දිස්ත්රික්කයේ දේශීය නිෂ්පාදකයින් සහ ව්යවසායකයින් ජාත්යන්තර අපනයන වෙළෙඳපොළ වෙත සන්නද්ධ කිරීම අරමුණු කරගනිමින් සංවිධානය කළ විශේෂ අපනයන ප්රවර්ධන වැඩසටහන පසුගියදා (02) මොනරාගල දිස්ත්රික් ලේකම් කාර්යාල ශ්රවණාගාරයේදී පැවැත්විණි. ශ්රී ලංකාවේ සෑම දිස්ත්රික්කයකම අපනයන වර්ධන වේගය 10%ක මට්ටමක පවත්වාගෙන යාමේ මූලික ඉලක්කය පෙරදැරිව මෙම වැඩසටහන ක්රියාත්මක කෙරිණි.
දිස්ත්රික්කයේ අපනයනකරුවන් දිරිගන්වමින් ඔවුන්ගේ නිෂ්පාදනවල ගුණාත්මකභාවය ඉහළ නැංවීමට අවශ්ය දැනුම ලබා දීම සහ ව්යවසායකයින් මුහුණ දෙන ප්රායෝගික ගැටලුවලට සෘජු විසඳුම් ලබා දීම මෙහිදී සිදු කෙරුණි. සාකච්ඡාවෙන් අනතුරුව, දිස්ත්රික්කයේ කර්මාන්ත ආශ්රිත ප්රායෝගික තත්ත්වයන් නිරීක්ෂණය කිරීම සඳහා ක්ෂේත්ර චාරිකාවකටද සහභාගි වූහ.
මෙම වැඩසටහනේදී පරිසර හිතකාමී ලෙස මොනරාගල දිස්ත්රික්කය තුළ කෘෂිකාර්මික නිෂ්පාදන අපනයන ගම්මාන ඇති කිරීම, කර්මාන්ත සඳහා යෝග්ය ඉඩම් නිශ්චිතව හඳුනාගෙන ඒවා අපනයන නිෂ්පාදන සඳහා දායක කරගැනීම, වනසතුන්ගෙන් සිදුවන හානිය අවම කර ගනිමින් නිෂ්පාදන ධාරිතාව ඉහළ නැංවීමේ ක්රමවේද සැකසීම සහ අපනයන ප්රවර්ධනය, සේවා සැපයීම සහ බාධා ඉවත් කිරීම සඳහා අපනයන සංවර්ධන මණ්ඩලයේ (EDB) ප්රාදේශීය කාර්යාලයක් මොනරාගල දිස්ත්රික්කයේ ස්ථාපිත කිරීම යන තීරණ සහ යෝජනා ක්රියාත්මක කිරීමට එකඟතාව පළ විය.
මෙම අවස්ථාව සඳහා වෙළඳ, වාණිජ හා ආහාර සුරක්ෂිතතා නියෝජ්ය අමාත්ය ආර්.එම් ජයවර්ධන, පාර්ලිමේන්තු මන්ත්රී රුවන් විජේවීර, ප්රාදේශීය සභා සභාපති ජනක කුරුප්පු සහ මොනරාගල දිස්ත්රික් ලේකම් ඒ.ජී නිශාන්ත යන මහත්වරුන් ඇතුළු රාජ්ය නිලධාරීන් සහ විශාල ව්යවසායකයින් පිරිසක් එක්ව සිටියහ.
