මීගමුව පොලිස් වසමේ සිදුවූ රන් භාණ්ඩ සොරකමකට සම්බන්ධ සැකකරුවන් දෙදෙනෙකු මීගමුව පොලිස් ස්ථානයේ නිලධාරීන් කණ්ඩායමක් විසින් අත්අඩංගුවට ගෙන ඇත. මෙම අත්අඩංගුවට ගැනීම සිදු කර ඇත්තේ 2026 ජූනි 04 වන දින පොලිසියට ලැබුණු තොරතුරකට අනුවය.
අත්අඩංගුවට ගත් සැකකරුවන් වයස අවුරුදු 42 සහ 44 වන වැල්ලම්පිටිය හා කොලොන්නාව ප්රදේශවල පදිංචිකරුවන් වේ. සැකකරුවන් සම්බන්ධයෙන් සිදු කරන ලද වැඩිදුර විමර්ශනවලදී, මීට පෙර අතුරුගිරිය පොලිස් වසමේ සිදුවූ රන් භාණ්ඩ සොරකමකටද මොවුන් සම්බන්ධ බව අනාවරණය වී ඇත.
පොලිසිය විසින් සැකකරුවන්ගෙන් සිදු කළ ප්රශ්න කිරීම්වලදී සොරකම් කරන ලද රන් මුදු 12ක් සොයා ගැනීමට හැකි වී තිබේ. මීට අමතරව, මීගමුව පොලිස් වසමේ සිදුවූ රන් භාණ්ඩ සොරකම සඳහා සැකකරුවන් පැමිණි යතුරුපැදියද පොලිසිය භාරයට ගෙන ඇත. මෙම අපරාධයට අදාළව සොරකම් කරන ලද අනෙකුත් රන් භාණ්ඩ සොයා ගැනීම සඳහා මීගමුව පොලිසිය මගින් තවදුරටත් විමර්ශන කටයුතු සිදු කරමින් පවතී.
