Samsung Electronics සහ POSTECH පර්යේෂණ කණ්ඩායම එක්ව වෝල්ටීයතා පාලනයක් (Voltage control) මගින් පමණක් 2D සහ 3D රූප අතර මාරු විය හැකි අති නවීන Metasurface තිර තාක්ෂණයක් ලොව පළමු වරට හඳුන්වා දී තිබේ. Samsung Research සහ POSTECH ආයතනය එක්ව සිදු කළ මෙම පර්යේෂණය සුප්රකට ‘Nature’ විද්යා සඟරාවේ ද ප්රකාශයට පත් කර ඇත.
සාම්ප්රදායික 3D තිරවල පවතින ඝනකම කාච සහ පටු දර්ශන කෝණ (Viewing angle) යන ගැටලුවලට මෙහිදී විසඳුම් ලබා දී තිබේ. මෙහිදී භාවිතා කර ඇති ‘Metasurface Lenticular Lens (MLL)’ නමැති අතිශය තුනී කාචය ආලෝකයේ ධ්රැවීකරණය (Polarization) අනුව ක්රියා කරන අතර, විදුලි ධාරාව මාරු කිරීමෙන් පමණක් තිරය සාමාන්ය 2D තත්වයේ සිට ත්රිමාණ 3D තත්වයට පත් කළ හැකිය.
පවතින 3D තාක්ෂණයේ දර්ශන කෝණය අංශක 15ක් වැනි පටු මට්ටමක පවතින අතර, මෙම නව නිපැයුම මගින් එය අංශක 100ක් දක්වා පුළුල් කර ඇත. එමෙන්ම මිලිමීටර් 1.2ක් වැනි ඉතා තුනී කාචයක් භාවිතා කරමින් OLED පැනලයක් සමඟ මෙය සාර්ථකව සම්බන්ධ කිරීමට පර්යේෂකයින් සමත් වී තිබේ. මෙමගින් ස්මාර්ට් ජංගම දුරකථන, ටැබ්ලට් පරිගණක සහ අනෙකුත් වාණිජ තිර සඳහා වීදුරු රහිත (Glass-free) උසස් 3D අත්දැකීමක් ලබා දීමට ඉදිරියේදී හැකියාව ලැබෙනු ඇත.
