2026 අයවැය යෝජනා අනුව අමාත්යාංශ මට්ටමින් ක්රියාත්මක කෙරෙන ව්යාපෘති සහ විශේෂ ප්රතිපත්තිමය අයවැය යෝජනා ක්රියාත්මක කිරීම පිළිබඳ ප්රගති සමාලෝචන රැස්වීමක් ජනාධිපති ලේකම් ආචාර්ය නන්දික සනත් කුමාරනායකගේ ප්රධානත්වයෙන් ඊයේ (17) පස්වරුවේ ජනාධිපති කාර්යාලයේදී පැවැත්විණි. එහිදී ව්යාපෘති ඉදිරියට ගෙනයෑමේදී මතුව ඇති ගැටලු සහ ඒවා විසඳීමට ගත යුතු කඩිනම් ක්රියාමාර්ග පිළිබඳව දීර්ඝ වශයෙන් සාකච්ඡා විය.
ආරක්ෂක, මුදල් හා ආර්ථික සංවර්ධන, විදේශ කටයුතු, කෘෂිකර්ම, ප්රවාහන, වරාය, රාජ්ය පරිපාලන සහ අධිකරණ ඇතුළු ප්රධාන අමාත්යාංශ රැසක් යටතේ ක්රියාත්මක ව්යාපෘතිවල ප්රගතිය මෙහිදී වෙන් වෙන්ව ඇගයීමට ලක් කෙරිණි. අදාළ සියලු පාර්ශ්වයන් ඒකාබද්ධව කටයුතු කරමින් පවතින බාධා කඩිනමින් ඉවත් කරගත යුතු බව පෙන්වා දුන් ජනාධිපති ලේකම්වරයා, මෙම ව්යාපෘති කඩිනම් කර එහි සැබෑ ප්රතිලාභ මහජනතාව වෙත කඩිනමින් ළඟා කරදීම සියලු නිලධාරීන්ගේ වගකීමක් බව අවධාරණය කළේය.
